Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat). Kështu, sallata klasike e makaronave, pasta-sallata kapreze, pasta-sallata me spinaq dhe pasta-sallata greke, nuk po mbesin sygjerimet e vetme t’kategorisë (sallatë + makarona), meqë ne po ja shtojmë familjes t’pasta-sallatave edhe nji recetë tjetër.
Mos e le pa e provu tuna pasta-sallatën, sallatën ma t’lehtë, ma me shije e ma t’freskët t’pastave me tunë t’cilën mundesh me e përgatitë jashtëzakonisht lehtë, me pak harxh e edhe ma pak kohë, e me u kënaqë t’u e hangër o si pjatë kryesore, o si paragjellë a pjatë shoqnuese.
PËRBËRËSIT:
150 gr bizele t’konservuara
250 gr tuna e konservuara
250 gr pasta t’ziera dhe t’kulluara
1/2 qepë e kuqe (e grirë imët)
1 trup selino (i grirë imët)
5 lugë gjelle sos tzaziki / Ranch dressing (Opsionale)
PËRGATITJA:
Shto t’gjithë përbërësit n’nji pjatë t’thellë dhe përziji mirë me dressing. Sigurohu që tunës me ja largu vajin e tepër para se me e shtu n’enë me përbërësit e tjerë n’mënyrë që mos me u lagështu sallata. Servo.
REZULTATI:
Servoje tuna pasta-sallatën qoftë si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2 ditë mundesh me e konsumu sallatën, besa edhe me e marrë me vehte n’punë për pauzë.
E mbasi veç jemi te pastat dhe sallatat, mos e le pa i provu pastat pranverore (primavera), pastat me tomatina t’pjekuna, ose shpagetat vegjetariane t’cilat edhe mos me kanë vegjetarian kanë me t’pëlqy. Kurse, nëse je ka don sallatë t’mirë e jo t’zakontë me provu, atëherë përgatite sallatën krokante me qiqra, sallatën mediterane me patate, ose kuskusin mediteran me karkaleca – t’3 këto sallata t’mbushuna plot me shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
