Se vakti kryesor për nji ditë me energji asht mëngjesi nuk e vëjmë n’dyshim. Mirëpo, jo çdo herë mrrijmë me e nxanë mëngjesin herët e me e përgatitë nji vakt t’shijshëm e t’mirë, veçanarisht kur jemi përngutë e nuk kemi edhe aq kohë. Qata recetat klasike t’mëngjesit, sikurse omleti me perime, apo edhe omleti me spinaq, por edhe recetat “ndryshe” sikurse fritatta mediterane apo fritatta me spinaq dhe tomatina kanë rezoltu super efektive, e na frymëzuan edhe për recetën e radhës.
Vezët me gjizë janë ideale me u përgatitë kur je t’u dashtë me hangër diçka t’shijshme e t’shnetshme, por nuk ke nerva me mbetë gjatë n’kuzhinë, sepse, nuk don shumë punë e as shumë harxh, por as nuk don me hjekë dorë prej diçkaje që edhe t’nginë e t’furnizon me yndyrna e proteina. Andaj, edhe po ta rekomandojmë me e provu.
PËRBËRSIT (servimi për 2):
4 ve
70 gr gjizë
10 gr gjalpë
Kripë dhe biber i zi (Opsionale)
Mundesh me e lexu edhe…
HAPI 1:
N’nji pjatë t’thellë shto vezët e rrehi me pak kripë dhe biber deri sa t’përzihen mirë. Shto gjizën e përzije masën. N’ndërkohë nxeje tiganin n’temperaturë mesatare e shtoje gjalpin, leje me u shkri, mandej shto vezët e rrahuna n’tigan.
HAPI 2:
Lejoji vezët gradualisht e ngadalë me u skuqë, e me nji spatullë mundohu me e përzi kohë pas kohe për 7-8 minuta. Largo vezët prej tiganit dhe servo.
REZULTATI:
Servoji vezët me tomatina e rriska t’rreshkuna buke t’thekrës. Mos harro me ja bashkangjitë këtij mëngjesi kampionësh edhe nji lang a smoothie. Ne ta rekomandojmë smoothie-n me avokado dhe boronica.
Ti poashtu mundesh me nisë mëngjesin me 1 prej 3 rekomandimeve t’tona për mëngjes t’mirë. Kurse për ditët kur don me përgatitë diçka qoftë për me hangër aty për aty, apo me e marrë me vehte për pauzë, mos e le pa e provu sanuiçin tonë italian me pesto dhe mocarellë, ose me sanduiçin me sallatë vezësh. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
