S’kemi as na qysh mos me ta rekomandu këtë super-pjatë mëngjesi, që pos e shijshme, asht edhe e ushqyeshme e ideale për nji start t’mirë.
Nise ditën me ve e perime që rezultojnë n’nji omlet t’shijshëm e ngopës. Mjafton me i pasë 10 mintuta kohë, pak vullnet e pak harxh që me e përgatitë n3 hapa recetën e radhës.
PËRBËRËSIT:
3 ve
50 gr kërpudha (t’prera n’rriska)
30 gr spec i kuq (i prerë n’kubëza)
1/2 qepë e kuqe e vogël (e prerë imët)
2 lugë gjelle gjalpë
30 gr kashkavall (i grirë)
Kripë dhe biber (Opsionale)
1/2 grusht spinaq
Mundesh me e lexu edhe…
- Advertisement -
HAPI 1:
Shto 1 lugë gjalpë n’tigan e nxeje mirë. Shto perimet e spinaqin dhe kavërdisi për 5 minuta. Largoji perimet e vendosi n’1 pjatë.
- Advertisement -
HAPI 2:
Shto pjesën tjetër t’gjalpit. Leje me u shkri e shto vezët e rrahuna me pak kripë e biber. Fërgoje omletin për 5 minuta n’temperaturë mesatare.
HAPI 3:
Shto n’1/2 e omletit perimet e fërgume e përhapi mirë. Sipër hedhe kashkavallin. Rrotulloje pjesën e thatë t’omletit sipër e leje omletin me u fërgu për 3 minuta. Servoje n’pjatë.
REZULTATI:
E nëse t’pëlqen me nisë mëngjesin sa ma shëndetshëm e me plot vlera ushqyese, por pa u mundu shumë, pos omletit me perime, ne ta rekomandojmë edhe tortillën vegjetariane t’cilën e bon sa hap e mbull sytë.
- Advertisement -
Mos harro me ja bashkangjitë këtij mëngjesi kampionësh edhe nji lang a smoothie. Ne ta rekomandojmë langun e freskët me mollë t’gjelbër. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
