Bashkë i kemi pa tash e 6 vjet memes të CoolnFresh që përmes satirës mundohen të na nxisin të mendojmë dy herë për zhvillimet politike e shoqërore në vend e më gjerë.
CoolnFresh Magazine dhe Fisnik Çerkini si themelues kanë ditë me na befasu me satirën e tyre konstante si ëatchdog për krejt zhvillimet në vend, por edhe ato nëpër botë t’u na bo shpesh me kesh e ma shumë me zhvillu mendimin kritik.
Në një kohë kur lajmet shpesh sjellin ndjesi zymtie dhe shqetësimi, Fisniku ka arritur të krijojë një hapësirë ku njerëzit mund ta përballojnë aktualitetin me sportivitet dhe humor.
Mundesh me e lexu edhe…
Puna që Fisniku bën përmes kësaj platforme është një lloj aktivizmi qytetar, që nuk ka për qëllim t’i shpërqendrojë njerëzit nga problemet, por t’i ndihmojë që t’i përballojnë ato me një qasje më të lehtë dhe më optimiste.
“Ka ardhë si ide unë jam kanë t’u e kry fakultetin në atë kohë edhe e kam pa sa shumë kena kqyr memes në gjeneratën time më së pari. Mandej e kemi fillu CoolnFresh-in, në fakt, si një farë revolte ndaj kësaj status quo që u kanë. Tërë kohën ka pasë veç kronika, veç lajme, gjithçka ka qenë shumë serioze. Unë kam mendu që është mirë me pasë një lloj tjetër të lajmit që i bën apel edhe të rinjve. Për shembull, mendoj që CoolnFresh ka ba një send shumë të mirë – e kemi arritë me afru politikën tek të rinjtë nëpërmjet mënyrës qysh të rinjtë munden me kuptu pak më lehtë.”
“Tash e gjashtë vjet, mendoj që e kemi pasur njëfarë ndikimi në shoqëri. Zgjedhjet pak më qesharake kur të mbahen, deklaratat e politikanëve shihen ndryshe, edhe mendoj që kemi ndiku me ulë sadopak atë dozën e seriozitetit që u kanë tërë kohën, sikurse çdo punë është shumë e madhe, që në fakt jeta është pak më e lehtë se qaq dhe ka ardhë CoolnFresh”, shprehet Fisi.
Fisi siç njihet, nuk u ndal vetëm me memes, por ai filloi një mënyrë unike të intervistave në studion e tij të përbërë prej elementesh autentike kosovare, si karrikat e bardha të plastikës, karrocë, apo siç i quajmë në përditshmëri ‘kolica’ të improvizuara si karrige apo edhe prapavijën me blloka ndërtimi e dyert e një dyqani farkatari. Kjo është një gjetje që nuk kushton shumë, por shumë e vecantë si përzgjedhje për prezantim vizuel.
“Për tri sezona ne nuk i kemi harxhu as 500 euro me maru këtë studion. Të trijat bashkë. Sezonën e parë nuk kemi harxhu hiq, se janë kanë veç dy karriga të plastikës. Sezonën e dytë i kemi ble ato kolicat. Sezonën e tretë kemi investu pak edhe në blloka. Puna o kanë që brenda këtij emisioni që qikaq keq që duket, ne kemi arritë me pasë shumë figura të njohura. Na kemi arritë me pasë edhe Dafina Zeqirin, me një emision ku u ulë në kolicë. Që kërrkujt nuk ia kish marrë mendja më herët që mund me ndodhë ai send, mirëpo ka ndodhë te na.”
“Krejt mesazhi u kanë që nuk ka nevojë me kanë patjetër shumë, shumë e bukur për me kanë emisionin i mirë. Emisionin e bëjnë njerëzit, nuk e bëjnë karrigat as tavolinat. Është si kjo puna në Kosovë, për shembull, kur hapen restorantet, a e ke pa? Po tani shkon e gjen një kuzhinier, një kushëri edhe krejt ajo bie poshtë, se në fakt, zemra e një restauranti është kuzhinieri. Zemra e një emisioni është njerëzit që e bëjnë. Unë mendoj që kena arritë me bo shumë mirë. E kena pasë goxha lehtë, se rinia te na janë shumë pranues të informacionit të ri”, shpehet ai.
Fisi në emisionin e tij “Unë dhe Ti,” dëshiron që vëmendja të jetë tek biseda e thellë, e sinqertë dhe e shoqëruar me sarkazmë duke zgjedhur të sfidojë tendencat e mediave të tjera që shpesh vendosin theksin tek pamja dhe teknologjia.
Mirëpo, nganjëherë e kam ndi që biseda që u bë në të është shumë e thatë, shumë e varfër. Ne çka kena desh me bo, është me bo që studion që e kena këtu, me pasë kolica.
Megjithatë, ndonjëherë kjo qasje alternative mund të keqkuptohet nga disa ndjekës. Disa mund të mos e kuptojnë humorin ose ironinë e tij, por kjo nuk e lëkund aspak Fisnikun nga fokusi i tij. Ai vazhdon të besojë se mesazhi që përcjell është më i rëndësishëm se çdo keqkuptim i mundshëm.
“Shumë herë keqkuptohet, mirëpo nuk është faji te njerëzit. Nuk besoj që është faji as te na, keqkuptimet ndodhin, mirëpo çka jemi mundu me rujt si CoolnFresh, pikëpamja jonë, ne qysh i kemi transmetu sendet, tash dikujt i ka pëlqy, dikujt jo, mirëpo është e drejtë e njerëzve, edhe mos me i pëlqy. Ne nuk kemi synu kurrë me kanë ai lloj i medias, e cila apelon te krejt dhe pajtohet me çdo send. Ne nuk kemi dasht me kanë popullistë, përndryshe, për ata që përcjellin CoolnFresh-in, ne i kemi do qëndrime pak më liberale, më ndoshta ma ndryshe se që jemi mësu me pa në Kosovë. Kena pas raste kur na kemi humb folloëersa, kemi pas raste kur kemi shtu shumë followersa”.
“Sendi që jam më krenar për CoolnFresh është që kemi qëndrim. Ne e kemi një pikëpamje tonë për çdo send dhe mundohemi me dhënë mendimin tonë. Përndryshe, sa ka ndiku kjo te njerëzit varet tash. Unë mendoj që katër vjet sendet kanë fillu m’u nda shumë, ashtu ka nervozë në televizor, ose në video”, shprehet Fisniku.
Për më tepër, Fisniku po zgjeron CoolnFresh Magazine për të krijuar më shumë hapësirë për të rinjtë e talentuar në fushën e humorit. Me të njëjtin koncept të qeshjes dhe argëtimit, platforma tani shërben si një trampolinë për të rinjtë që dëshirojnë të shprehin dhe promovojnë talentin e tyre.
”E muajin e kaluar e kemi pasë, eventin më të madh në Kosovë të stand-up komedisë, na e kemi hapur tash edhe Kolektivin. Kolektivi është në degë e CoolnFresh-it, e cila synon me e komercializu industrinë e stand-up komedisë në Kosovë. I pari që i kemi shkru ka qenë Valon Syla, i kemi pasë dy netë dhe e kemi pasë të shitur komplet sallën në dy netë në Klan Arena. Tash po vazhdojmë me kriju eventin e radhës, gala eventin tjetër, mirëpo ndërkohë jemi tu punu tu bisedu me disa bare nëpër Prishtinë me të cilët kena me kriju netët e mikrofonit të hapur, që kushdo që ka talent, që ia merr mendja që mundet me kallëzu fore të mira mundet me ardhë me kapë mikrofonin, edhe çka ja u merr mendja atyre është nëse i kanë foret e mira, vijnë e provojnë.”
“Ne mundemi me ua dhanë promovimin në CoolnFresh, që nuk është pak, besoj unë edhe një mundësi për një karrierë të re se te na ka shumë pak njerëz që i ndjekin ëndrrat e veta. E krejt çka CoolnFresh është ne tentojmë me shty industrinë e humorit përpara. Jena tu punu në krijimin, tash kemi me hap një projekt të ri, kismet në muajin dhjetor, ka me kanë i dedikum për rrjete sociale, disa video po mundohemi ne me i bo. Dhe tjetra është që ka mundësi që kemi fillu me punu edhe në xhirimin e një seriali, po dojmë me bo një komedi të zezë, edhe ta shohim qysh po na shkon”, shprehet ai.
Fisniku shpesh përdor sarkazmën për të ngritur çështje të interesit shoqëror dhe probleme të ndryshme. Ai thekson se rinia në Kosovë është shumë e hapur ndaj risive, duke sjellë si shembull përvetësimin e shpejtë të kriptovalutave dhe të meme-ve.
“Një send në CoolnFresh është që ka edhe debate në komente. Komentojnë njerëzit edhe ka debate edhe sende dhe mua më vjen shumë mirë kur jena t’u debatu për shembull. Kena pas një rast frik, Postat e Kosovës nuk kanë pagesë me kartelë, është një çështje që në cilëndo media në Kosovë me pas postu kish kalu si diçka shumë normale. Në CoolnFresh ne e kemi postu dje a pardje, edhe i ka për mbi 2 mijë lajka kjo çështje. E kjo më pëlqen mua që jena për do diskutime sociale që na shërbejnë njëri-tjetrit shumë, edhe është një send i mirë që kena edhe ne ndjekësa që çdo zgjidhje e kanë me stupc, mirëpo shumica besoj që nuk jami të atillë”, përfundon ai.
CoolnFresh Magazine u lansua tash e 6 vite dhe që nga atëherë, qëndrimet e kësaj platforme kanë sjellë një frymë të re komunikimi me audiencën, e ne shpresojmë që Fisi ka me vazhdu me na sjellë satirë e humor përmes platformave të tij unike. /Katror.info
Edicionin e #68 të plotë e gjeni këtu!
Përgatiti:
