E nisim këtë të hënë me nji kangë të dashtun për krejt fan-base të serialit sitcom, ‘Friends’.
Pas ndarjes tragjikisht nga jeta të njërit nga 6 aktorët kryesorë të serialit, Matthew Perry, apo siç e njohim me emrin Chandler Bing, s’ka se si të mos gjejmë ngrohtësi e qetësi shpirtërore te kolona zanore e vet serialit legjendar, “I will be there for you”.
Ylli i “Friends”, Matthew Perry u gjet i vdekur të shtunën, më 28 tetor, në një vaskë në shtëpinë e tij në Los Anxhelos, thanë burimet e policisë. Ai ishte 54 vjeç.
- “I’ll Be There for You” është kangë nga dyshja amerikane e pop-rokut Rembrandts.
- Kanga u shkrua nga David Crane, Marta Kauffman, Michael Skloff dhe Allee Willis si kanga me temë kryesore në serialin e NBC, “Friends”, i cili u transmetua nga 1994 deri në 2004.
Teksti i kangës kryesisht flet për shoqërinë dhe se si ata e ndihmojnë njëri-tjetrin duke qenë këtu për njëri tjetrin, në ditë të mira dhe të këqija.
Në vitin 1995, pasi një stacion radiofonik në Nashville e solli këngën në popullaritet të madh, anëtarët e Rembrandts, Danny Wilde dhe Phil Sōlem e zgjeruan këngën me dy vargje të reja dhe e përfshinë këtë version në albumin e tyre të tretë në studio, L.P. (1995).
Kanga përbëhet nga elemente të zhanrit power ballad, alternative rock e pop rock.
Versioni i zgjeruar i këngës iu përdor nga radiot amerikane më 23 maj 1995 dhe u publikua në Mbretërinë e Bashkuar më 7 gusht 1995, si single i parë nga L.P.
- Pas publikimit të kangës, ajo arriti në top 10 në Australi, e Re Zelanda dhe Norvegjia, si dhe në Irlandë dhe në Mbretërinë e Bashkuar në 1995 dhe 1997.
- Në Kanada, kanga arriti numrin një për pesë javë dhe ishte kanga më e suksesshme e vitit 1995, ndërsa në Shtetet e Bashkuara, kënga arriti në numrin 17 në Billboard Hot 100 dhe kryesoi tabelën e Billboard Hot 100 Airplay për tetë javë.
- Videoklipi shfaq grupin duke performuar në një studio gjersa kasti i Friends bashkohet. Disa skena janë xhiruar bardh e zi.
Kanga n’Youtube numëron 17,484,737 shikime.
Dëgjim t’kandshëm.
E Chandler u prehtë në paqe! Do të kujtohesh përherë si frymëzim nga miliona fansa rreth e rreth botës. <3