David Guetta këtë verë bashkoi prapë forcat me këngëtaren tonë, Bebe Rexhën për ta kriju përsëri një hit euforik të discove.
- “I’m Good (Blue)” sinkronizon melodinë e saj me “Blue (Da Ba Dee) të Eiffel 65, duke ia marrë kordet sintetizuese, klasikes së kërcimit të vitit 1998.
- Bebe dhe David tekstin e kangës e shkruajtën me Phil Plested dhe Kamille.
Mirëpo kjo kangë s’ka qenë e planifikume me u publiku tek në 2022, po shumë më herët.
- Bebe dhe David e incizuan demon në mesin e vitit 2010 dhe debutuan këngën në festivalin e Miami EDM, Ultra, në 2017.
Kangën nuk e përfunduan atë vit, por kur një pjesë e këngës shkoi virale në TikTok në gusht të 2022, Guetta e kuptoi se ishte koha për ta përfunduar, shkruan SongFacts.
Bebe krijoi një vokal të ri dhe Guetta erdhi me produksion instrumental të ndryshëm, për ta publikuar më pas më 26 gusht 2022.
Ky s’është bashkëpunimi i vetëm i suksesshëm i dyshes.
Guetta dhe Bebe Rexha më parë kanë bashkëpunuar në kangët hit të DJ-së franceze “Hey Mama” dhe “Say My Name”, si dhe kangën e tij të vitit 2021 “Family”.
Kanga kryesoi në ARIA Chart, duke i dhënë Rexhës numrin 1 për herë të parë në Australi.
- Me ngjitjen e “I’m Good (Blue)” në krye të tabelës së këngëve në Mbretërinë e Bashkuar, u bë kanga e shtatë numër 1 për Guetta në Mbretërinë e Bashkuar dhe e para e Rexhës.
- Deri më tani, kanga numëron mbi 33 milion shikime në Youtube.
Njësoj si melodia dhe teksti i kangës që bëjnë thirrje për t’u ndierë mirë dhe për ta shijuar natën deri në maksimum, mesazh të tillë gjithashtu përçon edhe videoklipi, ku Bebe Rexha dhe Guetta shpërfaqin jetën e çmendur të natës nëpër koncertet e tyre muzikore.
Deri nesër, don’t forget to feel alright… 🙂 /Katror.info.