Ministrja në detyrë e Ekonomisë, Artane Rizvanolli ka njoftuar se tashmë Vala ka aktivizuar rrjetin 5G për disa modele të telefonave Samsung.
Rizvanolli ka theksuar se kjo vjen pas përfundimit me sukses të analizave teknike të sigurisë kibernetike, të cilat janë realizuar nga kompania Samsung.
“5G i VALA tani edhe në telefon Samsung, pas certifikimit nga Samsung pasi kanë përfunduar analizat teknike të sigurisë kibernetike. 5G është aktivizuar për disa modele të telefonave të Samsung, ndërsa për të tjerët do të aktivizohet gjatë ditëve e javëve në vijim. Krejt çfarë duhet është të përfundoni përditësimin e rregullt të telefonit”, ka shkruar Rizvanolli.
Mundesh me e lexu edhe…
Ministrja në detyrë ka shtuar se do të vazhdojnë me rimëkëmbjen e Telekomit të Kosovës me teknologji moderne 5G e 4G+ në tërë territorin e Republikës së Kosovës.
Këtë veprim e ka përshëndetur edhe kryeministri në detyrë, Albin Kurti.
“Punët e mira të Telekomit të Kosovës janë lajme të mira për qytetarët”, ka shkruar Kurti./Telegrafi/Katror.info
