Me përgatitë e me marrë n’punë me vehte çdoherë e ma shumë po asht alternativë ma efikase, por edhe ekonomike. Andaj edhe ne vazhdimisht po provojmë me sjellë receta që janë t’lehta, t’shpejta dhe t’përshtatshme për ma shumë vakte, sepse, edhe vet po gjindemi n’situata ku nuk po dijmë çka me hangër.
Ne t’i kemi listu kësaj radhe 8 lloje t’tostave t’cilat ti lirisht mundesh me i përgatitë o për mëngjes, o për pauzë e o për darka pak ma t’lehta (asi darka që je untëm, por s’ke qejf me e tepru). Recetat e përzgjedhuna pos t’lehta me u përgatitë e n’thelb t’thjeshta, definitivisht kanë me t’ofru super-shije po i provove.
1. TOST ME VE DHE AVOKADO
Kremoziteti dhe shija unike e avokados padiskutimisht kombinohet ma s’miri e s’lehti me vezë, sidomos për super mëngjese dhe pauza. E ne t’i kemi përmbledhë 4 mënyra se qysh mundesh me përgatitë tost me avokado dhe me ve, me shpresën që ke me i provu najnjanën prej tyne e me e futë n’menynë tande.
2. TOST ME TOMATINA DHE RIKOTË
Rikota pa dyshim shkon shumë me tomatina, por kur këto dyja bahen bashk edhe me bukë t’rreshkun – atëherë nime ndrron komplet hesapi. Ideale me u përgatitë kur nuk ke shumë kohë e harxh, por edhe kur don mos me e randu lukthin me ushqime t’randa, tosti me rikotë e tomatina asht zgjedhja ideale.
Mundesh me e lexu edhe…
3. TOST ME GJALPË KIKIRIKU DHE BANANE
Kremoziteti dhe ambëlsia e gjalpit t’kikirikut janë dy cilësi që e komplementojnë secilën pjatë a shujtë sidomos nëse gjalpi kombinohet me fruta, n’veçanti me banane . E dy t’mira i ban bashk nji e mirë e tretë, që n’rastin tonë asht buka. E për 1 tost me gjalpë kikiriku e banane nuk t’duhet shumë harxh e besa as ma shumë se 1 minut kohë.
4. TOST ME AVOKADO DHE DREDHËZA
A ke provu me kombinu avokadon me dredhëza? Nëse jo, atëherë asht koha që ti me e përgatitë e hangër super-tostin me avokado dhe dredhëza – tost ky që ka me t’lanë pa mend pikërisht për shijen interesante t’cilën ta ofron, e që definitivisht ja vlenë me u kërku..
5. TOST ME SPINAQ DHE DJATHË FETA
Tosti me spinaq dhe djathë feta asht tosti ideal për meraklitë e spinaqit e t’cilin kushdo mundet lehtësisht e shpejt me e ba gati, qoftë për mëngjes, pauzë apo darkë. Plot shije prej spinaqit e kremozitet prej djathit t’shkrifët – ky tost po që asht nji prej favoritëve t’tanë – e ti, mos e le pa e provu!
6. TOST ME VE DHE PESTO
Ngjashëm me 4 variantet e tostit me ve dhe avokado, edhe tosti me ve dhe pesto asht nji alternativë e lehtë dhe e shnetshme me u përgatitë e me u konsumu për vakte t’ndryshme, por edhe për pauza, sidomos nëse ke kuzhinë t’qasshme n’vendin ku punon. Kështu brenda pak minutave ti mundesh me e përgatitë këtë super-tost.
7. TOST FRUTASH ME JOGURT
Nëse je merakli/ke n’gjana t’ambla dhe preferon me hangër diçka t’ambël, nuk ke nevojë me hjekë dorë prej mëngjasit apo pauzës t’drekës, meqë ne ta kemi gjetë recetën ma t’shpejtë e ma t’shijshme t’mundshme t’tostit me fruta dhe jogurt. Mjafton me i ndjekë udhëzimet tona dhe me i kushtu pak kujdes përgatitjes.
8. TOST ME AVOKADO DHE TOMATINA
Sikurse edhe krejt kombinimet e tjera t’tostave me avokado, edhe tosti me avokado dhe tomatina asht nji prej atyne tostave që ta dëshmon qartë se gjanat e mira dhe me shije nuk kanë nevojë me qenë t’komplikume e as t’stërmbushuna me harxh. Pak kaniherë asht ma shumë, e ky sygjerim i joni e përfaqëson këtë qëndrim ma s’miri.
Këta tosta ma s’miri shijojnë t’shoqnum me nji filxhan kafe, ose çaj me xhenxhefil dhe shafran për mëngjes. E nëse don fuqishëm me nisë ditën, për ekstra energji ta rekomandojmë me i shoqnu këto rekomandime me ndonji smoothie, sikurse asht smoothie me mollë dhe dredhëza, apo smoothie me pjeshkë dhe qumësht bademsh; pije këto t’cilat i ke hazër n’dakik. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
