Aeroporti i Mynihut do të tërhiqet nga projekti i diskutueshëm i ndërtimit të aeroportit të ri në Shqipëri.
Kjo u njoftua në këshillin e qytetit, të martën.
Lumi Vjosa në Shqipëri konsiderohet si lumi i fundit i egër i Evropës dhe aktualisht, në pellgun e tij po ndërtohet një pistë dhe kullë aeroporti. Qeveria vendore po ecën përpara me ndërtimin e Aeroportit Ndërkombëtar të Vlorës – pavarësisht rezistencës së ashpër nga ambientalistët vendas dhe kritikave nga Komisioni Evropian dhe Parlamenti Evropian, transmeton albinfo.ch.
Ky projekt ka një lidhje me Mynihun: filiali i Munich Airport GmbH, Munich Airport International (MAI), ka vepruar në cilësinë e këshilltarit. Por, siç u njoftua në Këshillin Bashkiak të Mynihut të martën (8 prill), MAI do të tërhiqet nga ky pozicion në fund të prillit.
Të Gjelbrit e mirëpresin këtë vendim në një deklaratë të bërë sot, por paralajmërojnë se angazhime të tilla të diskutueshme duhet të shmangen në të ardhmen, shkruan merkur.de.
Sipas këshilltarëve të qytetit, projekti ka ngjallur kritika në të gjithë Evropën. Përveç Parlamentit të BE-së dhe Komisionit, edhe Komiteti i Përhershëm i Konventës së Bernës në kuadër të Këshillit të Evropës i ka bërë thirrje qeverisë në Tiranë që të ndalojë ndërtimin.
Organizatat lokale mjedisore kanë ndërmarrë veprime ligjore kundër projektit. Ata shprehen të shqetësuar se, me këtë projekt, një nga zonat e fundit natyrore të Evropës dhe burimet jetësore të specieve të rralla të shpendëve mund të shkatërrohen në mënyrë të pakthyeshme.
Parti e Gjelbrit kishin theksuar që në vitin 2023 se pjesëmarrja e Aeroportit të Mynihut në këtë projekt ishte në kundërshtim me strategjinë e qëndrueshmërisë të vetë aeroportit, transmeton albinfo.ch. Në mbledhjen e sotme të Komitetit Ekonomik u diskutua gjithashtu edhe një peticion, i cili kërkon që Aeroporti i Mynihut të tërhiqet plotësisht nga ky projekt. /Katror.info
Përgatiti:
