E përditësuar 23:18
Kënga “Zjerm” nën interpretimin e grupit Shkodra Elektronike është kualifikuar në finalen e “Eurovisionit 2025” që po mbahet në Basel të Zvicrës.
Shqipëria u kualifikua e dyta, menjëherë pas Norvegjisë.
Mundesh me e lexu edhe…
Biletë në finale, veç Shqipërisë, siguruan edhe Norvegjia, Suedia, Islanda, Holanda, Polonia, San Marino, Estonia, Portugalia dhe Ukraina.
Shqipëria vazhdon të mbajë rekordin e përfaqësuar me Rona Nishliun në vitin 2012. Ajo me këngën “Suus” qe radhitur në vendin e pestë. Në top 10, Shqipëria hyri edhe në vitin 2017, e përfaqësuar nga Lindita Halimi me këngën “World”.
****
Shqipëria ndezi skenën e “Eurovisionit” me këngën “Zjerm”
Shqipëria ndezi skenën e “Eurovisionit” me këngën “Zjerm”, performuar nga Shkodra Elektronike.
Grupi u ngjit në skenë i 12-i.
Performanca u shoqërua me efekte vizuale dinamike dhe ritme elektronike karakteristike, duke u pritur me entuziazëm nga fansat e festivalit.
Grupi u ngjit në skenë i 12-i.
Performanca u shoqërua me efekte vizuale dinamike dhe ritme elektronike karakteristike, duke u pritur me entuziazëm nga fansat e festivalit.
Pas Shqipërisë, do të performojnë edhe tri shtete para se të hapet votimi për finalistë.
****
Konkursi i Këngës në Eurovizion 2025– shfaqja më e madhe muzikore në botë – rikthehet sot në Zvicër!
Nëse çdo gjë shkon si një natë më parë ku Shkodra Elektronike e Shqipërisë me këngën “Zjerm”, rrëmbeu zemrat e gazetarëve ndërkombëtarë duke u renditur në vendin e dytë në Sondazhin e Shtypit për gjysmëfinalen e parë, atëherë gjasat që të kalojnë në finale janë të mëdha.
Kantautori dhe producenti Kolë Laca dhe këngëtarja e kantautorja Beatriçe Gjergji fituan edicionin e 63-të të Festivalit të Këngës së TVSH-se, në garë me Elvana Gjata me këngën “Karnaval” dhe Alis me “Mjegull”.
Artistët shqiptarë lanë mbresa të fuqishme me një skenografi moderne, energji të papërmbajtshme dhe identitet të veçantë kulturor.
Shkodranët do të garojnë sonte, me numrin rendor 12.
Gjysmëfinalja do prezentohet në arenën e Saint Jakobshalle në Basel, ku 31 nga 37 vende pjesëmarrëse do të garojnë në gjysmëfinalet që do të mbahen sot më 13 maj dhe të enjten më 15 maj. Dhjetë më të mirët nga secila gjysmëfinale do të kualifikohen për në finalen e madhe që do të zhvillohet të shtunën më 17 maj, bazuar në votat e publikut.
Dizajni i skenës së këtij edicioni të 69-të të Eurovizion, është frymëzuar nga malet dhe diversiteti i Zvicrës.
Prezantuesit do të jenë Hazel Brugger, Michelle Hunziker dhe Sandra Studer – ku zgjedhja e treshes nikoqire simbolizon vlerat e Zvicrës: çiltërsinë, diversitetin dhe bashkimin.
Nëse nuk e keni ditur, të gjitha këngët e Eurovizionit nuk duhen të zgjasin më shumë se tre minuta, duhen të jenë origjinale dhe të mos publikohen në treg ose të performohen publikisht përpara datës 1 shtator të vitit të kaluar dhe lejohen deri në 6 persona në skenë. Këto janë vetëm disa nga kriteret./Katror.info
