Kadetët nga Qendra për Studime Universitare e Forcës së Sigurisë së Kosovës (FSK) kanë marrë pjesë në stërvitjen shumëkombëshe “Eagle Strike 2025”, e cila u zhvillua nën drejtimin e Gardës Kombëtare të New Jersey-it nga Shtetet e Bashkuara të Amerikës, shkruan Katror.info.
Stërvitja, që u mbajt në Rreth-Greth të Shqipërisë, është pjesë e bashkëpunimit ndërkombëtar në fushën e trajnimeve ushtarake, dhe synon forcimin e ndërveprimit ndërmjet forcave partnere. Përveç kadetëve të FSK-së, pjesëmarrës në trajnim ishin edhe kadetët nga Kursi i Përgatitjes për Oficerë i Forcave të Armatosura të Republikës së Shqipërisë (FARSH), si dhe kandidatë për oficerë nga Garda Kombëtare e New Jersey-it.
Gjatë stërvitjes, kadetët u angazhuan në skenarë realë të nivelit taktik, duke përfshirë planifikim ushtarak, manovrime në terrene të vështira dhe kapërcimin e pengesave ujore. Trajnimi ka pasur për qëllim zhvillimin e aftësive të lidershipit, përgatitjen për operacione të përbashkëta dhe përballjen me sfida komplekse në misionet e ardhshme.
Mundesh me e lexu edhe…
Pjesëmarrja në “Eagle Strike 2025” paraqet një tjetër hap të rëndësishëm në rrugëtimin profesional të kadetëve të FSK-së dhe një dëshmi e angazhimit të vazhdueshëm për ngritjen e kapaciteteve përmes bashkëpunimit ndërkombëtar./Katror.info.
