Shqipëria shënon një tjetër hap përpara në rrugën e integrimit europian, teksa sot çel zyrtarisht një grup të ri kapitujsh negociues në kuadër të Konferencës së 5-të Ndërqeveritare me Bashkimin Europian, shkruan Katror.info.
Në këtë fazë të re të bisedimeve, pritet të hapen 8 kapituj që i përkasin grupimit të tretë me fokus në “Konkurrueshmërinë dhe Rritjen e Gjithëpërfshirjes”. Kapitujt përfshijnë fusha kyçe si transformimi digjital, media, politika fiskale dhe monetare, politika ekonomike, punësimi dhe çështjet sociale, arsimi, kërkimi shkencor, kultura dhe bashkimi doganor.
Kjo lëvizje pason mbledhjen e fundit ndërqeveritare të mbajtur më 14 prill në Luksemburg, ku u hap grup-kapitulli për “Tregun e Brendshëm”, duke reflektuar progresin që vendi ka bërë në përafrimin me standardet dhe legjislacionin e BE-së.
Mundesh me e lexu edhe…
Sipas draft-projektit të dakordësuar me Brukselin, synohet që të gjithë grup-kapitujt të hapen brenda vitit 2025, ndërsa përmbyllja e të gjithë procesit të integrimit është parashikuar për vitin 2027./Katror.info
