And dhe Marc janë dy producentë të rinj, pjesë e label-it Trust Music, të njohur për qasjen e tyre të guximshme dhe eksperimentale në muzikë. Ata nuk vendosin kufij në krijimtari dhe janë gjithmonë të hapur për bashkëpunime me artistë që ndajnë të njëjtin vizion muzikor.
Të shtunën, dyshja lansoi EP-n e tyre debutuese, e titulluar “Trust Music”, një projekt që pasqyron frymën e label-it – besimin në muzikë si forcë bashkuese dhe frymëzuese.
Ky projekt sjell një përzierje të pasur zhanresh: nga Electronic, Techno, Tech House dhe Drum n Bass, deri te Hip Hop dhe Miami Bass. Larmia stilistike e këtij EP-je reflekton lirinë kreative që And dhe Marc kultivojnë – një liri që shpesh mungon në skenën muzikore vendore.
Mundesh me e lexu edhe…
EP-ja gjithashtu shërben si një platformë prezantuese për disa emra të rinj e premtues të skenës muzikore në Kosovë, si Jolle, ilothegoat dhe Dabo. Me energjinë dhe stilin e tyre unik, këta artistë kanë kontribuar në formësimin e një projekti që fton për eksplorim të ri sonor.
Në një kohë kur muzika shpesh i nënshtrohet trendeve dhe algoritmeve, “Trust Music” del si një deklaratë për autenticitetin dhe pasionin e vërtetë. Për të gjithë ata që kërkojnë tinguj të freskët, eksperimentim dhe zëra të rinj, ky EP është një dëgjim që nuk duhet humbur. /Katror.info
Përgatiti:
