Një person nga Zelanda e Re u mësoi prindërve të tij se si t’i binin baterive dhe basit, në mënyrë që të kishte me kë të ushtrojë – dhe tash ata kanë nxjerrë një album.
Ryan Stokes nuk mund të bëhej bashkë me shokët e tij gjatë izolimit si pasojë e pandemisë, andaj vendosi që t’ua mësonte prindërve instrumentet, shkruan Good News Network.
I frymëzuar nga rock grupi The White Stripes, kitaristi 20-vjeçar fillimisht i mësoi mamasë së tij 55-vjeçare t’i binte baterive. Dy muaj më vonë, babai i tij 60-vjeçar mori për herë të parë një bas elektrik.
Mundesh me e lexu edhe…
Familja e quajti grupin e tyre ‘Mommas Boy’, me Ryan-in si frontman, Andrea Stokes bateriste dhe Lyndon basist – të gjithë si të ishin profesionistë të vërtetë.
Që të tre kanë praktikuar tri deri në katër herë në javë dhe tani kanë nxjerrë një album të quajtur “Who Would Have Thought”, të cilin e gjeni edhe në Spotify.
“Nuk kisha çfarë të bëja gjatë izolimit dhe doja të bëja muzikë. Mamasë i pëlqejnë White Stripes – veçanërisht Meg White dhe ishte shumë e emocionuar që mësoi t’iu binte baterive si ajo.”
Pas një leksioni të shpejtë mbi bateritë në garazh, Ryan thotë: “Ajo e kapi ritmin brenda një ore dhe ishte gati t’iu binte baterive brenda tre orëve.”
Të dy të prindërit në moshë të mesme iu përshtatën jetës së yllit të rock-ut shumë shpejt, duke u shfaqur në video në TikTok disa orë pasi morën instrumentet për herë të parë.
Grupi fitoi shpejt zemrat në internet, duke grumbulluar 72,000 ndjekës në TikTok që nga formimi i tyre – dhe mbi 700,000 shikime. Ryan që është student dhe prindërit që punojnë për qeverinë lokale, janë të surpizuar se sa i popullarizuar është bërë grupi Mommas Boy.
“Mamanë e njohin si “mamaja bateriste” në punë, ndërsa babai është shumë i ngazëllyer nga reagimet në internet, sepse gjithmone thoshte që mediat sociale janë një ambient shumë negativ,” tha Ryan për SWNS.
Bendi që nuk ka pasë vetë ndonjë studio incizimi, e përdor dhomën e gjumit të Ryan si studio dhe nga përdorimi i suftuerëve të editimit e kanë edituar albumin brenda vetëm një muaji./Katror.info
Përgatiti:
