Danimarka ka nisur të enjten presidencën e saj të Bashkimit Evropian.
Kryeministrja e Danimarkës, Mette Fredericksen dhe presidentja e Komisionit Evropian, Ursula von der Leyen ishin në qytetin perëndimor të Aarhusit për një ditë ngjarjesh festive, ndërsa Danimarka filloi presidencën e saj të tetë të BE-së që nga anëtarësimi në vitin 1973.
Danimarka e mban mandatin e saj nën moton “Një Evropë e Fortë në një Botë në Ndryshim”, raporton AP.
Mundesh me e lexu edhe…
Qëllimi i saj është të ndihmojë në sigurimin që BE-ja të marrë përgjegjësinë për sigurinë e vet, të rrisë konkurrueshmërinë ekonomike dhe të trajtojë ndryshimet klimatike.
Evropa përballet me shumë sfida. Lufta e Rusisë kundër Ukrainës, tani në vitin e saj të katërt, do të peshojë rëndë në pjesën më të madhe të debatit politik. Trazirat ekonomike gjithashtu janë prezente, teksa pauza 90-ditore e tarifave e Trumpit përfundon më 9 korrik, duke mos pasur ende një marrëveshje BE-SHBA në fuqi. /Koha.net/Katror.info
Përgatiti:
