Kompania Sport Marketing, e cila menaxhon Pishinën e Gërmisë në Prishtinë, ka njoftuar se hapja e pishinës do të shtyhet për shkak të mungesës së mjaftueshme të ujit në burimet natyrore të zonës, shkruan Katror.info.
Në një njoftim zyrtar, kompania bëri të ditur se kjo vonesë është pasojë e thatësisë së madhe që ka prekur rajonin, duke ndikuar drejtpërdrejt në furnizimin me ujë të pishinës.
”Ju informojmë se për shkak të mungesës së theksuar të ujit në burimet e Gërmisë, si pasojë e thatësisë së madhe, është shkaktuar një vonesë në hapjen e Pishinës së Gërmisë.
Mundesh me e lexu edhe…
Bazuar në planifikimin kohor dhe sasinë aktuale të ujit, ju njoftojmë se Pishina do të hapet për qytetarët më datën 08 korrik 2025”, thuhet në njoftim.
Bazuar në planifikimin aktual dhe sasinë e ujit të disponueshme, Sport Marketing ka bërë të ditur se Pishina e Gërmisë do të jetë e hapur për publikun nga data tetë korrik 2025.
Në fund të njoftimit, kompania falenderoi qytetarët për mirëkuptimin gjatë kësaj periudhe, duke theksuar se kjo masë është e nevojshme për të garantuar sigurinë dhe funksionalitetin e plotë të objektit gjatë sezonit veror./Katror.info
Përgatiti:
