Ministri i Kulturës, Rinisë dhe Sportit, Hajrullah Çeku, ka njoftuar se stadiumi “Rexhep Rexhepi” në Drenas do të rinovohet, në kuadër të investimeve strategjike për infrastrukturën sportive në vend.
“Për ta bërë të mundur këtë, kemi ndarë 4.5 milionë euro,” ka bërë të ditur ministri Çeku.
Ai tha se është nënshkruar marrëveshja me Komunën e Drenasit dhe po fillon faza e fundit e ndërtimit, e cila do ta kthejë stadiumin në një hapësirë të denjë, funksionale dhe të gatshme për ndeshje e tifozë.
Mundesh me e lexu edhe…
Komuna do të kontribuojë me 875 mijë euro dhe do të udhëheqë punimet në terren.
“Me vendosmëri po e realizojmë planin investiv për Lojërat Mesdhetare 2030. Po krijojmë një të ardhme më të mirë për sportin,” njoftoi ministri.
Ky projekt pritet të ndikojë drejtpërdrejt në rritjen e cilësisë së infrastrukturës sportive në Drenas dhe përgatitjen e Kosovës për ngjarje të rëndësishme sportive./Katror.info
