Vila e ikonës së modës Karl Lagerfeld, i cili ndërroi jetë në vitin 2019, u shit në ankand për gati 5 milion euro (5.88 milion dollarë).
Prona ndodhet në fshatin francez Louveciennes, rreth 20 kilometra në perëndim të Parisit. Ka rreth 600 metra katrorë hapësirë jetese dhe tokë të gjerë me një pishinë, një fushë tenisi dhe disa ndërtesa ndihmëse.
Prona u shit për 4.68 milion euro apo vetëm 50 mijë mbi çmimin e parashikuar, sipas Dhomës së Noterëve.
Blerja nuk është ende përfundimtare, pasi ofertat më të larta mund të pranohen ende për 10 ditë.
Mundesh me e lexu edhe…
Avokatët përgjegjës për shitjen e pronës kishin përmendur një vlerë të parashikuar prej 4.64 milion eurosh (5.47 milion dollarë) para shitjes.
Lagerfeld e bleu ish-shtëpizën e gjuetisë në vitin 2014 dhe e rinovoi me shumë vëmendje ndaj detajeve gjatë një periudhe prej katër vitesh. Thuhet se ai ka kaluar vetëm një natë atje.
Në vitin 2024, apartamenti i Lagerfeldit në Paris u shit në ankand. Brenda vetëm 19 minutash, apartamenti prej 260 metrash katrorë, fillimisht i vlerësuar me 5.3 milion euro, ndërroi pronarë për dyfishin e kësaj shume. /Katror.info
Përgatiti:
