Qendra Kinematografike e Kosovës (QKK) ka mbyllur zyrtarisht konkursin për mbështetjen e projekteve filmike, i cili ishte hapur më 22 maj 2025. Kjo thirrje ka ngjallur interes të madh në komunitetin artistik, duke tërhequr gjithsej 126 aplikime në kategori të ndryshme filmike, shkruan Katror.info.
Në kategorinë e filmit të metrazhit të gjatë artistik kanë aplikuar 12 projekte, ndërsa në atë të metrazhit të gjatë dokumentar janë paraqitur 7 projekte. Për filmat dokumentarë të metrazhit të shkurtër janë dorëzuar 8 aplikime, kurse për animacionin e shkurtër janë pranuar 9 projekte. Në kategorinë e filmit të shkurtër artistik janë regjistruar 30 aplikime, që përbën numrin më të madh në këtë thirrje.
Për zhvillimin e skenarëve të filmave të metrazhit të gjatë, qofshin ata artistikë, dokumentarë apo të animuar, janë dorëzuar 26 projekte. Në fazën e zhvillimit të projekteve të metrazhit të gjatë janë paraqitur 5 aplikime, po aq sa edhe në kategorinë e filmit avant-garde ose eksperimental.
Mundesh me e lexu edhe…
Ndërkohë, për koproduksion minor të filmave të gjatë janë regjistruar 12 projekte, ndërsa për post-produksionin e tyre janë pranuar 8 aplikime. Në kategorinë e studentëve për film të shkurtër artistik kanë konkurruar gjithsej 4 projekte.
QKK do të vazhdojë me procesin e vlerësimit dhe në një fazë të ardhshme do të shpallë projektet përfitues që do të mbështeten financiarisht për realizim, zhvillim ose post-produksion./Katror.info
