Skuadra Peja 03 do të shkruajë histori këtë vit duke u bërë për herë të parë pjesë e FIBA EuroCup Women, një prej garave më prestigjioze të basketbollit evropian për femra, shkruan Katror.info.
Si nënkampione e Kosovës, Peja 03 do të përfaqësojë vendin në këtë arenë të fortë ndërkombëtare, duke synuar paraqitje dinjitoze dhe përvojë të vlefshme për zhvillimin e mëtejshëm të klubit dhe sportit në përgjithësi.
Kjo do të jetë hera e parë që një ekip tjetër përveç KBF Prishtinës përfaqëson Kosovën në këtë kompeticion, duke shënuar një moment të veçantë për sportin e femrave në vend.
Mundesh me e lexu edhe…
Në edicionin e ri të EuroCup Women do të marrin pjesë gjithsej 48 skuadra, të cilat do të ndahen në 12 grupe me nga katër ekipe. Shorti për ndarjen e grupeve do të hidhet më 23 korrik, ditë e mërkurë.
Peja 03 ka nisur tashmë përgatitjet dhe përforcimet në përpjekje për një edicion sa më të suksesshëm në skenën evropiane, duke shpresuar që të përfaqësojë denjësisht basketbollin kosovar dhe të lërë gjurmë në këtë garë sfiduese./Katror.info
