Presidentja e Kosovës, Vjosa Osmani, ka zhvilluar një takim me Zëvendës Sekretarin e Shtetit të Shteteve të Bashkuara të Amerikës, Christopher Landau, gjatë qëndrimit të saj në Washington D.C.
Përmes një postimi në rrjetet sociale, Osmani ka falënderuar për mikpritjen e ngrohtë dhe diskutimin e hapur me zyrtarin amerikan, duke theksuar rëndësinë e thellimit të bashkëpunimit strategjik mes Kosovës dhe SHBA-së.
“Kosova qëndron krah për krah me Shtetet e Bashkuara për të ndërtuar kapituj të rinj të bashkëpunimit strategjik, në përputhje me vizionin e fortë të Presidentit Trump. Më shumë siguri. Më shumë zhvillim. Më shumë mundësi për qytetarët tanë dhe bizneset tona”, shkroi Osmani.
Mundesh me e lexu edhe…
Takimi vjen në një kohë kur Kosova synon të forcojë marrëdhëniet me aleatët ndërkombëtarë dhe të avancojë në fusha kyçe si siguria, zhvillimi ekonomik dhe investimet strategjike./Katror.info
