Kombëtarja e vajzave e Kosovës në basketboll U16 regjistroi sot fitoren e parë në edicionin e sivjetmë të FIBA EuroBasket 2025, Divizioni C. Në ndeshjen e fundit të fazës së grupeve, Dardanet e reja mposhtën Moldavinë me rezultatin 56:43.
Ndeshja nisi me dominim të Kosovës, e cila fitoi dy çerekët e parë me rezultat 13:9 dhe 9:8, duke krijuar një epërsi të qëndrueshme. Në pjesën e dytë, skuadra vazhdoi të tregojë lojë të fortë në mbrojtje dhe sulm, duke fituar edhe çerekun e tretë dhe të katërt me përqindje të lartë të realizimit dhe duke vulosur fitoren me rezultat të përgjithshëm 56:43.
Kjo fitore përbën një sukses të rëndësishëm për ekipin kosovar, duke shënuar një moment pozitiv në turneun evropian që po zhvillohet në Pejë.
Mundesh me e lexu edhe…
Pas ditës së pushimit të premten, kampionati do të vazhdojë të shtunën me ndeshje të tjera që pritet të jenë mjaft të forta dhe konkurruese./Katror.info
