“20” është njëri nga tre filmat studentorë të metrazhit të shkurtër që po realizohen me mbështetje të Qendrës Kinematografike të Kosovës. Ky projekt filmik sjell një rrëfim të veçantë që ndjek qarkullimin e një kartëmonedhe prej 20 eurosh nëpër rrugët e Prishtinës, shkruan Katror.info.
Përmes kësaj kartele, filmi eksploron mënyrat e ndryshme se si njerëzit nga shtresa të ndryshme shoqërore i perceptojnë dhe i përjetojnë vlerat ekonomike. “Përkundër dallimeve mes personazheve, secila ndërlidhje me paratë ndodh rastësisht dhe tregon se si ajo është mjet që mund të na ndajë ose bashkojë”, thuhet në njoftimin e QKK-së.
Filmi është prodhim i shtëpisë filmike Tentakula, me producente Zhaneta Xhemajli, ndërsa mbështetjen e ka siguruar nga Qendra Kinematografike e Kosovës në kuadër të projekteve studentore për vitin 2025./Katror.info
