Në Ferizaj, 100 gra janë përfituese të subvencioneve për start-up dhe mikrobiznese nga Drejtoria e Zhvillimit Ekonomik dhe Turizmit. Përfitueset thonë se pa përkrahje institucionale nuk mund ta funksionalizojnë plotësisht veprimtarinë e tyre.
Indra Ademi, e cila tash e një kohë ushtron veprimtarinë si rrobaqepëse, dhe Sanije Sadiku, e cila planifikon të nisë këtë veprimtari, janë në mesin e 100 përfitueseve nga Fondi për Subvencionimin e start-up-eve, mikrondërmarrjeve dhe bizneseve të grave që ndahen nga Drejtoria për Zhvillim Ekonomik dhe Turizëm në Ferizaj.
“Mirë na ndihmojnë shumë se na japin një përkrahje një ndihmë në bizneset tona. Unë e kam një biznes familjar punojë me vajzat e mija. Normal kam nevojë për subvencione që na ndihmojnë një përkrahje dhe një shtytje që të vazhdojmë me biznesin”, thotë Indra Ademi, përfituese e subvencionit.
Mundesh me e lexu edhe…
“Shpresojë që mua edhe pse pak në moshë më mirë vonë se kurrë. Pasi që e kam fituar këtë grand shpresojë që do të fillojë me rrobaqepësi. Në fillim me punë të vogla, mandej ta shohim si po shkon puna”, thotë Sanije Sadiku, përfituese e subvencionit
Sipas drejtorisë për Zhvillim Ekonomik dhe Turizëm, qëllimi kryesor është fuqizimi i bizneseve, sidomos i atyre që udhëhiqen nga gratë.
“Kemi subvencionuar 100 biznese të cilat janë kryesh ishte Start up, mikrondërmmarje dhe bizneseve të grave. Vlen të theksohet që 70 prej tyre janë gra dhe qëllimi i drejtorisë tonë është që ti përkrahim grat në biznes bizneset fillestarë që kanë idetë e tyre inventivë”, thotë për RTK Balton Dërguti, drejtor i Zhvillimit Ekonomik dhe Turizmit.
Ditë më parë, edhe Komuna e Gjilanit nënshkroi marrëveshje me 51 përfitues nga fondi për ndërmarrësi, duke ndarë mbi 180 mijë euro për përkrahjen e bizneseve të kësaj ane./Katror.info
