Një studim i fundit i zhvilluar nga Ohio State University sugjeron se jetesa pranë oqeanit mund të lidhet me jetëgjatësi më të madhe, siç citon agjencia Reuters.
Studimi përfshiu të dhëna nga më shumë se 6 mijë zona në Shtetet e Bashkuara të Amerikës, duke krahasuar jetëgjatësinë sipas afërsisë me trupat e ujit, shkruan TAR.
Rezultatet treguan se banorët që jetojnë brenda rreth 30 kilemetrash nga oqeani ose gjiri jetojnë mesatarisht një apo dy vite më gjatë se mesatarja kombëtare prej 79 vjetësh.
Mundesh me e lexu edhe…
Në të njëjtën kohë, ata që jetojnë pranë lumenjve dhe liqeneve të brendshme në zonat urbane mund të kenë jetëgjatësi më të shkurtër, rreth 78 vjet.
Edhe banorët ruralë pranë ujërave mund të përfitojnë disa avantazhe, por jo aq të dukshme sa ata që gjenden pranë bregdetit.
Shkencëtarët shpjegojnë këtë diferencë me faktorë të ndryshëm mjedisorë dhe socialë; ajër më i pastër, temperatura më të ulëta gjatë verës, më shumë mundësi për aktivitet fizik dhe rekreacion, transport më i mirë dhe të ardhura më të larta pranë bregdetit.
Ndërkohë, ndotja, varfëria, mungesa e mundësive të sigurta për aktivitet fizik dhe rreziku i përmbytjeve janë faktorë që mund të ndikojnë negativisht në jetëgjatësi në zonat e brendshme.
Studimi sfidon idenë se çdo hapësirë blu, qoftë liqene apo lumenj, sjell të njëjtat përfitime shëndetësore, duke treguar se uji bregdetar ka avantazhe të veçanta për jetëgjatësinë. /Katror.info
