Agjencia për Informim dhe Privatësi (AIP) bën të ditur se ka monitoruar dhe evidentuar disa raste të mashtrimeve digjitale që po qarkullojnë në rrjetet sociale dhe platformat online, ku shfrytëzohen emrat e personazheve publikë, emrat e bizneseve të njohura dhe oferta të rreme kredie me qëllim të mashtrimit dhe përfitimit të paligjshëm nga qytetarët.
Sipas një njoftimit të AIP, bazuar në raportimet publike dhe verifikimet e kësaj agjencie, janë identifikuar disa forma më të shpeshta të mashtrimeve, si: keqpërdorimi i imazhit të artistëve për postime dhe reklama mashtruese, oferta të rreme për kredi në emër të bankave të njohura, duke kërkuar të dhëna personale nga qytetarët, postime dhe video mashtruese që premtojnë kupona dhuratë në emër të marketeve të mëdha dhe bizneseve të tjera të njohura.
Po ashtu sipas AIP, mashtrime të shpeshta ka edhe për konkurse të rreme online që shfrytëzojnë logot e institucioneve dhe kompanive të besueshme për të mbledhur të dhëna nga qytetarët.
Mundesh me e lexu edhe…
Sipas AIP, këto aktivitete jo vetëm që cenojnë privatësinë, por gjithashtu paraqesin rrezik serioz për sigurinë financiare të qytetarëve.
“Duke marrë parasysh rastet e evidentuara, AIP ju bën thirrje qytetarëve: Kontrolloni burimet zyrtare, përdorni vetëm faqet dhe aplikacionet zyrtare të institucioneve dhe bizneseve për informacione dhe shërbime, verifikoni ofertat për kredi dhe dhurata, çdo ofertë kredie me norma të ulëta interesi, dhurate apo kuponi “falas” duhet të konfirmohet drejtpërdrejt përmes bankës ose kompanisë përkatëse, mbroni të dhënat personale, mos ndani të dhëna personale (numri personal, të dhënat bankare, fjalëkalimet dhe kodet e verifikimit) në burime të pasigurta, kontrolloni adresat e faqeve”, thuhet në reagimin e AIP.
Po ashtu AIP i bën thirrje qytetarëve të bëjnë kujdes, pasi që faqet mashtruese shpesh imitojnë ato zyrtare, të kontrollohen me kujdes URL-në (linkun e faqes) dhe mos klikoni në linqe që duken të dyshimta ose kanë gabime drejtshkrimorem.
Po ashtu AIP kërkon nga qytetarët që të raportonjnë në Agjencia për Informim dhe Privatësi për mashtrimet
“Agjencia për Informim dhe Privatësi është e përkushtuar për mbrojtjen e të dhënave personale të qytetarëve dhe sigurinë e tyre. Ne do të vazhdojmë të bashkëpunojmë me institucionet relevante për të identifikuar faqet mashtruese dhe për të ndërmarrë masa ligjore ndaj shkelësve”, thuhet në njoftim./Katror.info
Përgatiti:
