Festivali Ndërkombëtar i Filmit në Prishtinë – PriFest ka prezantuar filmat garues në kategorinë e metrazhit të mesëm, një program unik që do te sjell një gamë të larmishme filmash nga katër vende evropiane. Këta katër filma do trajtojnë tema si ndalimet shoqërore, presioni familjar, privilegjet klasore dhe identiteti personal.
Filmat e metrazhit të mesëm janë kategori e rrallë filmash (nga 25 deri 60 minuta) dhe PriFest është i vetmi festival në rajon që ka këtë kategori.
TWO PEOPLE EXCHANGING SALIVA nga Natalie Musteata, Alexandre Singh, Francë/ Premierë Rajonale (36 min).
Mundesh me e lexu edhe…
Në një shoqëri ku puthjet dënohen me vdekje dhe njerëzit paguajn me shuplaka në fytyrë, Angine, një grua e pakënaqur, shpenzon në mënyrë kompulsive në një dyqan të madh. Aty, ajo magjepset nga një shitëse e pafajshme dhe naive. Të dyja afrohen gjithnjë e më shumë, duke nxitur dyshimet e një kolegu xheloz.
NIKAH nga Mukaddas Mijit dhe Bastien Ehouzan, Francë/ Premierë (55 min).
Është viti 2017, në Rajonin Ujgur. Dilber, një grua 27-vjeçare dhe beqare, përballet me presione gjithnjë e më të mëdha për t’u martuar. Çdo ditë, ajo komunikon me video me shoqen e saj Gulnur në Paris, e cila i ofron një zgjidhje të papritur.
PRINCI nga Alex Sardà, Spanjë/ Premierë (29 min).
Sot është dita e premierës, dhe Arturi – djali i një familjeje borgjeze dhe valltar në një trupë vallëzimi bashkëkohor – sillet si princ në një mbretëri të krijuar sipas imazhit të vet. Por gjithçka ndryshon kur i ati arrestohet për korrupsion në një skandal ndërtimi. Që nga ai moment, Arturi përballet me një zgjedhje të vështirë: ta mbrojë familjen duke fshehur të vërtetën për babanë e tij, apo të përballet me pasojat e humbjes së privilegjeve të tij.
ISHULlI I HARRESËS nga Jamie Vella, Malta / Premierë Botërore (45 min).
Odiseu dhe Kalipsoja jetojnë një jetë idilike në një ishull të qetë dhe pastoral. Por kjo qetësi kthehet në trazim kur Odiseu zbulon një të vërtetë të mundshme mbi identitetin e tij. Ai përballet me një zgjedhje: të përballet me të kaluarën e tij, apo të mbetet i strehuar në një botë rehatie pranë Kalipsos.
PriFest do të mbahet nga 9 deri më 14 shtator në Kino Armata në Prishtinë. /Katror.info
