Kompania Rajonale e Ujësjellësit “Prishtina” ka publikuar orarin e autobotëve për furnizim me ujë për pije pasi në liqenin e Badocit janë rritur sërish vlerat e manganit.
Të hënën Instituti Kombëtar i Shëndetësisë Publike të Kosovës (IKShPK) u ka bërë apel qytetarëve të cilët furnizohen me ujë nga Liqeni akumulues i Badocit, që mos ta përdorin ujin për pije deri në një njoftim të radhës.
Kjo pasi IKShPK ka vërejtur ngritje të vlerave të manganit në mostrat e ujit në zonën e cila furnizohet nga ky liqen.
Mundesh me e lexu edhe…
“Analizat e fundit laboratorike tregojnë tendencë në rritje të përqendrimit të manganit si në ujin e liqenit, ashtu edhe në rrjetin shpërndarës. Edhe pse këto vlera e tejkalojnë kufirin e paraparë në Udhëzimin Administrativ nr. 10/2021 – Cilësia e ujit për konsum nga njeriu, deri më sot ato nuk e kanë tejkaluar standardin shëndetësor që konsiderohet se mund të ndikojë shëndetin e njeriut. Me qëllim të mbrojtjes së shëndetit të popullatës, IKSHPK apelon tek qytetarët që furnizohen nga Fabrika e Ujit në Liqenin e Badocit që të mos e përdorin ujin për pije deri në njoftimin e radhës”- thuhet në komunikatën e përbashkët të IKShPK-së dhe KRU Prishtina, më 01.09.2025.
Për të mësuar më shumë rreth vlerave të manganit në ujë mund ta lexoni këtë artikull të Katror.info.
Përgatiti:
