Drejtoria për Siguri dhe Emergjenca në Kryeqytet ka njoftuar se, për shkak të kushteve të pafavorshme atmosferike, ekipet e saj janë duke ndërmarrë një numër të madh intervenimesh në bashkëpunim me Brigadën Profesionale të Zjarrfikësve, kompaninë publike “Gjelbër”, Policinë e Prishtinës dhe shërbimet emergjente komunale, përcjell Telegrafi.
Në njoftim theksohet se ekipet janë në terren për të menaxhuar situatën e krijuar nga era dhe reshjet, të cilat po shkaktojnë pengesa dhe rrezik potencial për qytetarët.
Autoritetet u kanë bërë thirrje banorëve të tregojnë kujdes të shtuar si gjatë ecjes në këmbë ashtu edhe në ngasje me automjete.
Mundesh me e lexu edhe…
Po ashtu, qytetarëve iu rekomandohet të shmangin lëvizjen pranë pemëve të mëdha, shtyllave të energjisë dhe objekteve që mund të paraqesin rrezik nga kushtet atmosferike. /Katror.info
