Komuna e Prishtinës ka njoftuar qytetarët se Forca e Sigurisë së Kosovës do të zhvillojë stërvitje ushtarake të planifikuara në fshatrat Mramor dhe Badovc nga 20 deri më 27 tetor, duke iu bërë thirrje që të mos shqetësohen.
Komuna thekson se Forca e Sigurisë së Kosovës do t’i kryej këto stërvitje bazuar në planin e saj të stërvitjeve, në zonën e fshatrave Mramor dhe Badovc.
Gjatë kësaj periudhe do të ketë lëvizje të këmbësorisë dhe automjeteve ushtarake në këto zona.
Mundesh me e lexu edhe…
“Ky është një aktivitet i planifikuar në kuadër të stërvitjeve të rregullta të FSK-së, prandaj nuk ka vend për shqetësim”, theksohet në njoftim.
Komuna ka falënderuar qytetarët për mirëkuptimin dhe bashkëpunimin e tyre. /RTKlive/Katror.info
