Për herë të parë në Kosovë është përdorur teknologjia inovative e Airborne Laser Scanning për të skanuar nga ajri sitet arkeologjike. Ky projekt u realizua me mbështetjen e Ambasadës Gjermane dhe përfshiu një mision të përbashkët të Institutit Arkeologjik të Kosovës dhe Institutit Arkeologjik Gjerman.
Dy sitet u skanuan plotësisht nga ajri, duke lejuar ekspertët të zbulojnë strukturat dhe mbetjet që ndodhen nën mbulimin e pyjeve. Kjo teknologji e re pritet të ofrojë njohuri të reja mbi trashëgiminë kulturore të Kosovës dhe të ndihmojë në mbrojtjen e saj për brezat e ardhshëm.
Ky zhvillim shënon një hap të rëndësishëm në bashkëpunimin arkeologjik mes Kosovës dhe Gjermanisë, i cili u formalizua me marrëveshjen e nënshkruar më herët këtë vit./Katror.info
