Pas përfundimit me sukses të cikleve të edukimit për Licencat UEFA C, B dhe A, Federata e Futbollit e Kosovës ka filluar përgatitjet për organizimin e kursit më të lartë të trajnerëve, UEFA Pro Licence.
Në këtë drejtim, Departamenti Teknik i FFK-së zhvilloi një takim pune në kuadër të projektit “Build-up of FFK Pro Licence”, që po realizohet në bashkëpunim të ngushtë me instruktorin e UEFA-s, Frank Wormuth.
Takimi u fokusua në ndërtimin e strukturës së kursit, përmbajtjen e moduleve teorike dhe praktike, si dhe në përcaktimin e standardeve që do të ndiqen gjatë zhvillimit të programit.
Mundesh me e lexu edhe…
Sipas njoftimit të FFK, ky proces paraqet një hap të rëndësishëm për avancimin e edukimit të trajnerëve në Kosovë, duke siguruar përputhje të plotë me kërkesat dhe kriteret e UEFA-s.
Kursi i Licencës UEFA Pro pritet të fillojë në vitin 2026 dhe do të ofrojë mundësi për trajnerët kosovarë të arrijnë nivelin më të lartë të kualifikimit profesional në futbollin evropian./Katror.info
