Investimet e bashkëkombësve në bujqësi konsiderohen mundësi e mirë e zhvillimit të vendit. Kjo bën që të krijohen vende pune dhe shtim i prodhimeve vendore për të kontribuar në uljen e shifrave të importit për produkte nga vende të rajonit dhe më gjerë.
Zijadin Avdimetaj ngriti një fermë me gjedhë dhe dele nga puna të cilën e zhvilloi në Zvicër. Ai thotë se investimet nga mërgata konsiderohen të rëndësishme për zhvillim të vendit dhe rritjen e prodhimeve vendore.
“Përveç 70-80 copa lopë që i kemi, tashmë i kemi edhe 300 krerë dele racë bardhoke dhe balushë, e që është racë Dukagjini”, tha ai për RTK-në.
Mundesh me e lexu edhe…
Investimet e tilla dhe të ngjashme janë të nevojshme, në mënyrë që të kemi sa më shumë prodhime vendore, thotë agronomi Shefqet Avdimetaj.
“Mendoj që punë të tilla duhet të bëjmë sa më shumë që mundemi anë e kënd vendit tonë”, pohoi Avdimetaj.
Për rëndësinë e ngritjes së një ferme të shëndetshme, roli i veterinarit është i patejkalueshëm.
“Ne bëjmë kontrollin e vazhdueshëm të cilësisë së qumështit, kontrollin e vazhdueshëm të shëndetit të kafshëve. Ky bashkëpunim parandalon mjaft sëmundje dhe rritë cilësitë e produkteve blegtorale. Kjo është shumë e rëndësishme për ditët tona për një fermë të suksesshme”, tha veterinari Mulla.
Ekspertët thonë se në Kosovë mund të jetohet e punohet duke i kontribuar zhvillimit të vendit përmes shtimit të produkteve cilësore, të cilat janë konkurruese në tregun vendor e të jashtëm./Katror.info
Përgatiti:
