Sipas një analize të fundit nga Agjencia Ndërkombëtare e Energjisë (IEA), pothuajse gjysma e kërkesës globale për energji elektrike do të përmbushet nga burimet e rinovueshme deri në vitin 2030.
Në raportin e saj më të fundit, IEA parashikon një rritje të madhe të kapacitetit të energjisë rinovueshme gjatë dekadës së ardhshme, me shtimin global që pritet të arrijë kapacitetin aktual të energjisë së Kinës, Indisë, Bashkimit Evropian dhe SHBA-së së bashku. Energjia solare parashikohet të përbëjë 80% të këtij kapaciteti të shtuar.
Megjithatë, IEA thekson se rritja ende nuk përmbush objektivin të vendosur në samitin klimatik COP28, ku pothuajse 200 qeveri premtuan të trefishojnë kapacitetin rinovues deri në vitin 2030, shkruan PositiveNews, përcjell Katror.
Mundesh me e lexu edhe…
Lajmi i mirë, sipas IEA, është se përmbushja e këtij objektivi është plotësisht e mundur nëse qeveritë veprojnë tani, duke përfshirë uljen e kostove të larta të financimit për energjinë e gjelbër në vendet në zhvillim./Katror.info
