Një projekt pilot i javës katër-ditore të punës në Gjermani zbuloi se pothuajse tre të katërtat e pjesëmarrësve nuk po kthehen në standardin pesë-ditor.
Rreth 73 për qind e 45 kompanive që morën pjesë në eksperimentin gjashtëmujor ose do të zbatojnë plotësisht modelin ose do të zgjasin provën, sipas një raporti të publikuar të premten.
Dy firma të mëdha u larguan herët për shkak të “vështirësive ekonomike ose mungesës së mbështetjes së brendshme”.
Mundesh me e lexu edhe…
Ashtu si ekonomitë e tjera perëndimore, Gjermania po përballet me një sfidë demografike.
Më shumë se 7 milionë njerëz pritet të largohen nga fuqia e punës deri në vitin 2035.
Kjo, pasi nivelet e lindjeve dhe imigrimi janë shumë më pak se ajo që nevojitet për të zëvendësuar popullsinë në plakje.
Rezultatet nga studimi në ekonominë më të madhe të Evropës mbështesin projektet e mëparshme pilot në Mbretërinë e Bashkuar, Portugali dhe Afrikën e Jugut.
Stafi në Gjermani raportoi përmirësime të konsiderueshme në shëndetin mendor dhe fizik, ndërsa punëdhënësit panë efekte pozitive në normat e rekrutimit.
Metrikat e performancës financiare, të tilla si të ardhurat dhe fitimi, mbetën në përgjithësi të qëndrueshme ndërsa orët e punës ranë, duke treguar për disa përfitime produktiviteti.
Arsyet kryesore për pjesëmarrjen e organizatave ishin përmirësimi i tërheqjes së punëdhënësve, shëndetit të punonjësve dhe rritjes së produktivitetit./Katror.info
Përgatiti:
