Një plak i urtë Indian ka thënë: “Nëse sheh gjithçka gri, zhvendos elefantin!” Mendohu pak, nuk e ka fajin gjithnjë pamja. Nëse nuk arrin të shohësh përtej pengesës, do të qëndrosh i bllokuar në mendjen tënde. Mirëpo, ka edhe një metodë më të mirë për ta zhvendosur dhe quhet mirënjohje.
Të jesh mirënjohës jo vetëm ndaj të tjerëve por vetes tënde, për atë që ke mundur të arrish, për besimin në vete, për aftësitë që ke zhvilluar, për pengesat që ke kapërcyer, pra, për të gjitha këto, zhvendos elefantin dhe qartëso horizontin tënd.
Mirëpo, si përkthehet kjo filozofi në jetën e përditshme? Elefanti ndoshta është në gjendje të zërë hapësirën e gjithë dhomës, duke mos të lënë shteg…për shembull, nëse nuk gjen punë apo nëse ke një situatë që nuk gjen zgjidhje me gjithë përpjekjet.
Mundesh me e lexu edhe…
Për të rigjetur burimet e brëndshme mund të praktikosh disa ushtrime mirënjohjeje: përpara së gjithash fokusohu te situata pa e parë si problem, shih mundësitë përtej saj. Përqendrohu te aspektet pozitive të jetës tënde, ka gjithmonë zgjidhje, qoftë edhe të fshehura, qoftë edhe të vogla.
Një kërkim i vitit 2006 i zhvilluar nga Psychologcial Science ka treguar se ata që praktikojnë mirënjohjen e kanë gjithçka më të lehtë sepse të gjitha sjelljet e tyre shoqërore ndodhin prej empatisë, ata nuk presin diçka në këmbim nëse bëjnë një të mirë, qoftë edhe ndaj të panjohurve. Është njësoj sikur mirënjohja të zhbllokonte një çip të shpirtit tënd. E dinë mirë këtë edhe ata që praktikojnë budizmin.
Të jesh mirënjohës të ndryshon jetën!
PO! Mirënjohja, dhe janë të gjitha rezultate shkencore, modifikon aktivitetin cerebral, pikërisht sikur truri të ishte një muskul mirënjohjeje që stërvitet. Përmirësimi në humorin e përditshëm është i dukshëm sidomos te njerëzit që vuajnë nga ankthi apo depresioni.
Nëse e mendon pak, si mund të mos jetë e vërtetë?! Vetëm duke lexuar këtë artikull të Living, pa i hyrë një analize të thellë, e ndjen buzëqeshjen që të fshihet në nënvetëdije! Apo jo? Lumturohu me aq sa ke, ji mirënjohës së pari ndaj vetes e më pas ndaj gjithë çikërrimave që të shërben e përditshmja në pjatë!/Living.al
Përgatiti:
