Pavarësisht që mëngjesi asht shujta kryesore e ma e domosdoshme e ditës, ne i gëzohemi këtij vakti për thjeshtësinë që pjatat kanë; nuk ke nevojë me u lodhë shumë me ba diçka t’shijshme, e n’shumë raste vlenë thanja: Ma pak, asht ma shumë.
Ne i kemi përzgjedhë 4 kombinime t’pjatave që mundesh me i përgatitë për 1 mëngjes sa t’lehtë e t’shijshëm, aq edhe ushqyes e jo fort t’kushtueshëm. Normalisht, kemi mendu edhe me çfarë smoothie mundesh me i shoqnu këto pjata, për me i shtu lezet edhe ma tepër këtij vakti.
1. TOST ME KASHKAVALL, OMLET DHE PERIME
Merr 2 rriska buke, vendos pak kashkavall n’mes e rreshki n’toster apo n’tigan. Përgatite nji omlet me 2 ve, pak kripë e biber t’zi. Shto domate e kastraveca anash, bashk me magdanoz t’freskët e ullinj. Magdanozin mundesh me e vendosë edhe n’tost apo n’omlet. E arsyeja që po ta rekomandojmë asht se kjo barishte asht nji antioksidant i fortë. Shoqnoje këtë racion me nji smoothie me dardhë dhe xhenxhefil n’mënyrë që me e maksimalizu sasinë e vlerave t’duhura ushqyese për tanë ditën.
Mundesh me e lexu edhe...
2. BUKË, DJATHË, VE E PERIME
Ky mëngjes asht mëngjes tipik fshati, por që nuk ka t’pagume. Thjeshtë, mirë e lehtë, nji pjatë e tillë mjafton me t’furnizu me çka ke nevojë e me ta mbushë barkun, sidomos po e shoqnove me smoothie-n me kumbulla e tërrshanë. Pak bukë e zezë, perimet e freskëta e 1 vezë n’ditë i largojnë rreziqet e sëmundjeve t’zemrës – nëse nuk e ke ditë.
3. TOST ME PROSHUTË PULE DHE KASHKAVALL
Ma thjeshtë se kaq, nuk e dijmë ma as a ka ku shkon. Me 2 rriska bukë t’rreshkun, pak proshutë pule e kashkavall, t’shoqnum me kastraveca t’freskët e nji smoothie me hurma dhe banane ti mundesh me e plotësu normën e proteinave e yndrynave t’shnetshme që t’nevojiten për tanë ditën, pa u lodhë.
4. TOST ME AVOKADO, OMLET E FRUTA
E kjo pjatë shkon ma shumë për ty që s’priton me ba nji hap ekstra për me e kompletu nji mëngjes kampionësh. Omleti me parmezan, tosti me avokado e fara definitivisht kanë me t’pajisë me proteinë e yndyrë t’shnetshme, kurse mjedrat apo manaferat bashk me rrushin kanë me t’furnizu me vitamina e sheqer. Kësaj radhe, nëse don me e lanë me ma pak kalori mëngjesin, shoqnoje këtë pjatë me nji gotë ujë detoksifikues me kastraveca; ujë ky me shumë përfitime, ose, shoqnoje pjatën me smoothie-n me pjeshkë e dredhëza.
Rekomandimet tona, njejtë sikurse edhe 3 pjatat e maparshme t’mëngjesit, mundesh me i përshtatë sido që ty t’pëlqen e sido që qëndron me harxh n’ato momente. Këto rekomandime i kemi ba ma vizuale vetëm sa për me t’dhanë ide se çka mundesh me hangër. Megjithatë, nëse je ma shumë për mëngjes t’ambël sesa t’njelbët, mos e le pa e përgatitë 1 prej 4 jogurtave me fruta.. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
