Festat e fundvitit veçse janë afru e shumë prej nesh kemi fillu me i ba përgatitjet e nevojshme, duke fillu prej bredhit, dritave, qirinjëve e dhuratave për ma t’dashtunit tonë, për kolegët (meqë tash n’modë asht “Secret Santa”), por edhe për shokët e shoqet. Besa kujdes e vëmendje kemi nisë me ju kushtu edhe recetave t’ndryshme e ideve për servim dhe dekorim t’pjatave festive. Kujdesi për detaje, servim e dekorim asht hap i randësishëm dhe që e ban diferencën n’raste ma speciale, veçanarisht gjatë festave t’fundvitit.
Pjatat festive nime i japin hijeshi edhe ma shumë secilës tryezë. E kësaj radhe listës t’pjatave interesante festive ja kemi shtu edhe 3 sygjerimet tona për pjatat “Candy Cane” t’cilat bashk me bredh-mezet dhe meze-kurorat mundesh me i përgatitë për fundvit.
1. “Candy Cane” Kapreze
Sallata kapreze asht prej atyne sallatave që n’çdo tryezë t’shtrume me meze nuk guxon me mungu. E lehtë, e shijshme dhe e freskët, sallata me domate, borzilok dhe mocarellë mundet lehtësisht me u shnëdërru n’Candy Cane sallatë – mjafton me i radhitë domatet e mocarellën sipër njana tjetrës n’formë kërryli e anash me lanë vend për vajin e ullinit, uthullën balsamike, pak gjethe borziloku dhe bukë t’rreshkun.
E meqë veç jemi tek recetat e inspirume prej sallatës kapreze, mos e le pa i provu edhe brusketat kapreze, por edhe pasta-sallatën kapreze – 2 receta këto që poashtu janë t’përshtatshme për me u servu kur gostitë mysafirë, apo kur ke ma tepër njerëz n’shtëpi.
2. “Candy Cane” ambëlsinash
Njilloj sikurse me sallatën kapreze t’shnëdërrume n’formë t’Candy Cane, ti mundesh edhe mezen e ambël / platën me ambëlsina dhe fruta me e kthy n’nji pjatë festive lehtësisht, duke i radhitë përbërësit n’formën e kërrylit. Përdor produkte t’bardhe dhe t’kuqe me e arritë këtë rezultat. Ne t’rekomandojmë me përdorë rriska molle, shegë, dredhëza, thana / brusnica t’freskëta apo t’karamelizume dhe manaferra. Poashtu përdor keksa t’njelbët, keksa me gjalpë kikiriku dhe reçel, djathëra t’ndryshëm sikurse janë parmezani, djathi brie, mocarella dhe kashkavalli. Edhe ambëlsinat si perecat me çokollatë t’bardhë, macaroons shkojnë shumë n’pjata t’tilla.
3. “Candy Cane” meze e kombinuar
Eh, ky kombinim asht përzirje e 2 rekomandimeve t’maparshme. Pra, ti ke mundësinë mos me hjekë dorë prej asnjanës pjatë e me i ba bashk që të 2 idetë n’1 pjatë t’vetme. Përgatite sallatën kapreze n’formë t’bonbonit, shto fruta dhe perime t’kuqe, djathëra, rriska suxhuku dhe keksa e fruta arrore për me e kompletu mezen.
Mos harro që këta shembuj janë lehtësisht t’ndryshueshëm dhe ti nuk ke nevojë me e reduktu vehten veç n’këta përbërës. Bredh-mezet lajnë mjaftueshëm mundësi me lujt’ me harxh e me shfaqë kreativitet – e ti nuk ke pse nuk e ban nji gja t’tillë. E meqë jemi te pjatat festive, nuk ka tryezë ballkanike që e pret vitin e ri pa sallatën e famshme t’Ukrainës. Ti gjithashtu e ke mundësinë me mësu qysh me e përgatitë meze-kurorën e me e hijeshu edhe ma tepër secilën tryezë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
