Nëse je n’hall se çka me përgatitë për darkë – qe ideja e receta, ti veç implementoje! Kësaj radhe jemi t’u ta sygjeru nji recetë t’inspirume prej recetës tradicionale shqiptare shumë t’famshme – specave t’mbushun; gatesë kjo që n’kuzhinën shqiptare zë vend t’veçantë.E pak modifikim e inspirim që gërsheton modernen me tradicionalen nuk i ka prishë kërkujt punë, andaj edhe po t’a rekomandojmë recetën tonë t’radhës.
N’daç me t’dal dreka ose darka fenomenale, patjetër ndjeki udhëzimet tona për përgatitjen e kungulleshave t’mbushuna me mish viçi, t’cilat njilloj sikurse edhe specat e mbushun – janë jashtëzakonisht t’shijshme, veçanarisht nëse je duke dasht’ me e mbledhë familjen për drekë a darkë, ose nëse ke ftu mysafirë pak ma special.
PËRBËRËSIT PËR KUNGULLESHAT:
8-10 kungullesha
2 lugë gjelle vaj ullini
1/2 qepë (e grirë imët)
500 gr mish viçi (i bluar)
1 lugë çaji kripë
1/4 lugë çaji piper i zi
2/3 gotë oriz
1 domate e madhe (e prerë n’rriska)
Mundesh me e lexu edhe…
PËRBËRËSIT PËR SOSIN:
3 lugë gjelle vaj ullini
1 gotë sos domatesh
1 lugë çaji kripë
1/2 lugë çaji piper i zi
6 thelpinj hudhre (t’grira imët)
5 gota supë (5 gota ujë i vluar + 2 kubeza supe)
HAPI 1:
Largoje mesin e kungulleshave me gërryesen e bishave t’specave dhe krijo hapësirë për me mujt’ me i mbushë kungulleshat me mish t’bluar.
HAPI 2:
N’tigan t’thellë shto vajin, erëzat, mishin dhe qepën dhe kavërdisi për 10 minuta duke e përzi masën vazhdimisht. Shto pastaj orizin dhe kavërdise mas për 5 minuta t’tjerë.
HAPI 3:
Merr kungulleshat e mbushi qoftë me lugë t’mesme, apo edhe me gishta t’pastër deri sa t’mbushen pothuajse plotësisht. Shto nga nji rriskë domate n’qoshet e kungulleshave – kjo e parandalon me ra mishi gjatë zierjes.
HAPI 4:
Paraprasisht përgatite sosin me përbërësit e listuar sipër. Sigurohu që i ke përzi t’gjitha mirë. Pastaj n’tenxhere t’thellë vendosi kungulleshat me kujdes, Shto sosin sipër dhe mbuloji kungulleshat me nji pjatë e sipër vendose kapakun e tenxheres. Ziji ato për 30-40 minuta, largoji nga tenxherja dhe servo.
REZULTATI:
Servoji kungulleshat e mbushuna me bukë, pogaçe apo pitalka t’nxehta e shoqnoji ato edhe me kastraveca t’djegëst turrshi, tomatina t’mbushuna me djathë apo me sallatën mediterane t’lakrës.
Nëse veç ke ra n’dilemë se me çka me përgatitë, besojmë që ky rekomandim sado pak ta ka lehtësu. Tash veç t’mbetet me i përvjelë mangët e me gatu. E mbasi veç jemi te ushqimet e mira dhe plot shije, veçanarisht recetave tradicionale shqiptare, mos e le paa e provu edhe krelanën me kungullesha dhe proshutë, apo leçenikun me purri. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
