WhatsApp vitin e kaluar filloi të punojë në aftësinë për të modifikuar mesazhet e dërguara me tekst, ashtu siç mund të bëjnë përdoruesit tashmë në aplikacione si iMessage dhe Telegram.
Funksioni u prezantua në një version beta të WhatsApp për Android dhe që atëherë nuk u raportua diçka më tej.
Megjithatë, platforma është ende duke punuar në këtë veçori, këtë herë për aplikacionin iOS.
Mundesh me e lexu edhe…
WhatsApp do të lejojë përdoruesin të modifikojë mesazhet e dërguara
Siç vërehet nga WABetaInfo, versioni më i fundit beta i WhatsApp për iPhone mundëson opsionin e modifikimit të mesazheve për një grup të vogël përdoruesish. Funksioni funksionon në mënyrë të ngjashme me atë që tashmë është zbatuar në Android beta, në të cilën përdoruesit thjesht mund të shtypin një mesazh dhe të prekin butonin “Edit”.
Megjithatë, ndryshe nga Telegram, WhatsApp do të kufizojë mënyrën se si përdoruesit mund të modifikojnë mesazhet e dërguara. Për shembull, përdoruesit do të kenë vetëm 15 minuta kohë për të modifikuar një mesazh pasi të jetë dërguar.
Qasja është e ngjashme me atë të iMessage, i cili gjithashtu ka një kufi prej 15 minutash për modifikimin e mesazheve.
Por derisa iMessage tregon një histori të modifikimeve për përdoruesit e tjerë, WhatsApp do të shfaqë vetëm një etiketë “edited” në mesazhet që janë modifikuar nga dërguesi. Në këtë rast, qasja është më e ngjashme me atë të Telegram.
Një tjetër gjë që duhet mbajtur parasysh është se opsioni i ndryshimit funksionon vetëm për mesazhet me tekst, por jo për titrat e imazheve, videove dhe dokumenteve.
Nuk ka detaje se kur WhatsApp planifikon ta bëjë këtë funksion të disponueshëm për publikun. Megjithatë, duke marrë parasysh faktin që veçoria sapo është lëshuar për përdoruesit e WhatsApp beta për iPhone, prezantimi zyrtar mund të ndodhë shumë shpejt. /Katror.info
Përgatiti:
