Kalimi i kohës me familjen nuk mund të jetë kurrë një luks, por një domosdoshmëri. Kjo ndikon drejtpërdrejt në mirëqenjen e një familjeje të shëndoshë.
Sipas hulumtimeve të publikuara në Mom Junction, koha e kaluar me familjen luan një rol të rëndësishëm në procesin tonë të zhvillimit. Është një forcë shtytëse pas një marrëdhënieje të shëndetshme midis gruas dhe burrit dhe prindërve dhe fëmijëve.
Ajo që ka rëndësi në këtë aspekt është koha cilësore, si rrjedhojë e së cilës krijohet besimi gjë që ka rëndësi të veçantë për fëmijët në ditët e adoleshencës. Ky është rregulli i tre minutave që mund t’ju ndihmojë shumë.
Mundesh me e lexu edhe…
Cili është rregulli i tre minutave?
Do të thotë që sa herë që nuk e keni parë fëmijën tuaj për një kohë, qoftë një orë, një ditë e tërë apo disa ditë, përqafojeni atë dhe pyesni se çfarë ndodhi kur si ia kanë kaluar. Çfarëdo që ai t’ju thotë, dëgjojeni atë. Lëreni bisedën të zgjasë të paktën 3 minuta sepse, si rregull, kjo kohë mjafton që fëmija të paraqesë informacione të rëndësishme për të.
Gjëja më e rëndësishme është që gjatë këtyre tre minutave të jeni plotësisht të fokusuar tek fëmija, ta shikoni në sy dhe t’i tregoni se po e dëgjoni me vëmendje.
Është e rëndësishme të theksohet menjëherë se rregulli i tre minutave nuk do të thotë se mjafton të kaloni vetëm tre minuta në ditë me fëmijën tuaj. Kjo do të thotë që për të paktën tre minuta duhet të përqendroheni maksimalisht tek fëmija, ndjenjat, përvoja dhe mendimet e tij, shkruan abcnews.
Falë këtyre pak minutave, do të mund të ndërtoni një marrëdhënie besimi me fëmijën tuaj. Ai do të ndiejë se nuk është lënë pas dore dhe se jeta e tij dhe gjithçka që ndodh në të është e rëndësishme për ju. Vitet do të kalojnë, fëmija do të rritet, do të largohet dhe do t’ju tregojë shumë më pak për veten e tij. Por gjithmonë do ta dijë se ka një prind që është vërtet i interesuar për të, dhe më e rëndësishmja, e dëgjon atë.
Kur do të dështojë ky rregull?
Nëse nuk e dëgjoni me kujdes fëmijën tuaj, atëherë rrezikoni të mos dini gjërat vërtet të rëndësishme në jetën e tij. Thjesht nuk do të ketë mundësi t’ju tregojë menjëherë, dhe më pas mund të harrojë ose të vendosë se nuk është e rëndësishme
Nëse e trajtoni bisedën e fëmijës tuaj si bezdisëse, ai përfundimisht do të vendosë që prindërit e tij të mos e dëgjojnë. Kjo definitivisht nuk do të kontribuojë në formimin e një marrëdhënie besimi në familje.
Nëse thjesht pretendoni se e dëgjoni me kujdes fëmijën dhe i jepni një entuziazëm ose interes fals, ai do t’ju kuptojë shpejt. Fëmijët ndihen të mashtruar dhe kanë përshtypjen se as ata dhe as jeta e tyre nuk janë në interes të prindërve të tyre. /Katror.info
Përgatiti:
