Regjisorja dhe aktorja Luana Bajrami, e shënon suksesin e radhës.
ilmi i saj “Bota Jonë” është përzgjedhur për të garuar në Festivalin e Filmit të Venedikut, i cili gjithashtu shënon edicionin jubilar numër 80. Filmi do të garojë në kategorinë “Orizzonti”, bashkë me filma të tjerë ndërkombëtarë të nivelit më të lartë kinematografik.
Filmi “Bota Jonë” është financim i Qendrës Kinematografike të Kosovës dhe Aide au Cinéma du Monde, pra bashkëprodhim i Kosovës me Francën si filmi i parë i prodhuar pas nënshkrimit bilateral të marrëveshjes për bashkëprodhim filmik me shtetin e Francës, nënshkruar vitin e kaluar.
Mundesh me e lexu edhe…
Me filmin e saj debutues si regjisore ”Luaneshat e Kodrës”, Luana kishte garuar në Festivalin e Kanës në vitin 2021. Me përzgjedhjen e filmit të saj të dytë në Festivalin e Venedikut këtë vit, po dëshmohet se me potencialin si kineaste, emri i saj do të përmendet për shumë kohë në industrinë kinematografike botërore.
Luàna Bajrami, ka lindur më 14 mars 2001, dhe është aktore franceze-kosovare. Ajo është e njohur për rolet e saj në filmat “Portrait of a Lady on Fire” (2019) dhe School’s Out (2018).
Ndonëse shumë e re në moshë ajo debutimin e saj regjisorial e bëri me me The Hill Where Lionesses Roar (2020).
Familja e Bajramit vjen nga Pleshina, një fshat i rrethit të Ferizajt të Kosovës. Kur ajo ishte shtatë vjeç, familja u zhvendos në Créteil, në jug të Parisit.
Ajo fillimisht u interesua për aktrimin pasi shikoi përshtatjen e Nicolas Bary të vitit 2008 të Trouble at Timpetill, bazuar në romanin e Henry Winterfeld./Katror.info
Përgatiti:
