Java e fundit ka shënuar një fluks të lartë udhëtarësh në portin më të madh në vend, atë të Durrësit.
Kështu ka bërë me dije Autoriteti Portual, i cili thekson se fluksi i udhëtarëve dhe turistëve prej disa ditësh është përqendruar në hyrje nga portet italiane (Bari, Ankona).
Sipas tyre, “nga data 24-30 korrik në portin e Durrësit janë përpunuar 30 mijë e 881 udhëtarë, të cilët kanë ardhur me tragete nga portet italiane”.
Mundesh me e lexu edhe…
Ndërsa nga Durrësi drejt Italisë janë përpunuar 9865 udhëtarë.
Të gjitha strukturat shtetërore dhe private të cilat operojnë në pikën më të rëndësishme kufitare të vendit janë në gatishmëri të plotë për përballimin e fluksit të shtuar përgjatë këtij sezoni turistik.
Ndërkaq Shqipëria ka pasur një rimëkëmbje e plotë e vëllimit të pasagjerëve, kjo krahasuar me periudhën para pandemisë.
Jashtë Bashkimit Evropian, performanca më e mirë e trafikut të pasagjerëve në qershor erdhi nga aeroportet në Shqipëri (+114.6%), e nxitur nga zgjerimi i Transportuesit Ultra-Low Cost.
Ndërkohë, aeroportet në Turqi (+0.6%) dhe Rusi (+0.4%) arritën një rikuperim të plotë./Katror.info
Përgatiti:
