Leonardo DiCaprio ka gjetur sërish dashurinë. Në përputhje edhe me preferencat e tij të vendosura, partnerja e fundit e aktorit është nën 25 vjeç. Pas një vere të qetë në plazhet e Sardenjës dhe një ekskursioni në Ishujt Balearik, përfshirë Ibiza dhe Formentera, aktori i njohur është parë së fundmi në Kaliforni i shoqëruar nga modelja italiane Vittoria Ceretti.
DiCaprio dhe Ceretti u panë në Santa Barbara, Kaliforni, duke shijuar një vakt së bashku. Aktori kishte veshur një bluzë të bardhë, pantallona të shkurtra kafe dhe atlete gri, siç tregohet në imazhe. Vittoria, në mënyrë të ngjashme, kishte një këmishë të prerë, pantallona të shkurtra ndhe atlete gri, që ngjanin matchy-matchy me njëri-tjetrin.
Marrëdhënia më e fundit e njohur e Cerettit ishte me DJ Matteo Miller, me të cilin u martua, por ata vendosën që të ndaheshin më 12 qershor. Ceretti ka lindur më 7 qershor 1998, në Brescia, Itali. Duke filluar rrugëtimin e saj në fushën e modelingut në moshën 14-vjeçare, ajo tashmë ka arritur sukses dhe të marrë pjesë në sfilata ndërkombëtare.
Mundesh me e lexu edhe…
Për më tepër, markat e njohura bashkëpunojnë me padurim me të, duke përfshirë Dolce & Gabbana, Loewe, Givenchy, Versace, Jacquemus dhe Chanel. Ajo gjithashtu ka një miqësi të ngushtë me Gigi Hadid, një tjetër modele e cila u aludua për një kohë shumë të gjatë se ishte në një lidhje me DiCaprion. Ata fillimisht u panë së bashku në Festivalin e Filmit në Kanë në fund të majit, që përkon me premierën e ‘Killers of the Flower Moon’, një film i drejtuar nga Martin Scorsese dhe me aktorin amerikan. /Katror.info
Përgatiti:
