Gjatë gërmimeve arkeologjike në Kodrën Palatine në Romë, pranë Forumit, u zbulua një mozaik në një vilë aristokratike, që besohet të jetë rreth 2300 vjeç.
Drejtuesja e Parkut Arkeologjik të Koloseut, e cila është përgjegjëse për zonën Palatine, Alfonsina Rousseau, tha se ajo që e bën këtë zbulim të pakrahasueshëm nuk është vetëm konservimi mahnitës i mozaikëve, por edhe dekorimi, i cili përmban skena të betejave detare dhe tokësore të romakëve, për të cilat Rousseau supozon se janë kryesuar nga pronari i vilës.
Puna është e dekoruar me kristale polikromi dhe pllaka ekzotike të kaltra të lashta egjiptiane, raporton CNN. Rousseau deklaroi se në kohët e lashta ishte e zakonshme që familjet fisnike me pallate në Kodrën Palatine të përdornin elemente të pasura dekorative si simbole të pasurisë dhe rangut të lartë shoqëror.
Mundesh me e lexu edhe…
“Mozaikët gjendeshin zakonisht në dysheme, por ky është në të gjithë murin e përparmë dhe është i ruajtur jashtëzakonisht mirë. Personi që porositi mozaikun ishte mjaft i pasur sa të përballonte të importonte materiale të çmuara nga e gjithë perandoria për të dekoruar këtë vilë. Deri më tani nuk kemi gjetur asgjë për identitetin e këtij personi, por besojmë se kërkimet e mëtejshme do të na ndihmojnë të përcaktojmë se kush ishte kjo familje patriciane”, tha Marco Rossi, profesor i antikiteteve romake në Universitetin e Roma Tre. /Katror.info
Përgatiti:
