Ka shumë arsye përse duhet ta vizitoni Shqipërinë. Është një vend vërtet unik dhe autentik. Në çdo kthesë, njeriu ndeshet me një peizazh apo plazh tjetër të bukur. Gjatë viteve të fundit, Shqipëria është bërë një ndër vendet më të pëlqyera në Evropë për shkak se është unike dhe ka tradita të forta që nuk t’i ofron asnjë vend tjetër në Evropë.
Njerëzit janë shumë miqësorë dhe mikpritës, Natyra në Shqipëri është fenomenale, përfshin male të thepisura, lumenj, liqene dhe plazhe fantastike. Kompletohet me disa qytete antike të UNESCO-s ushqime te shijshme dhe me çmime të leverdishme
Pa shumë zhurmë, ja cilat janë pikat kryesore për t’u vizituar në Shqipëri:
Mundesh me e lexu edhe…
BERATI
- Advertisement -
Berati njihet ndryshe si ”qyteti i një mbi një dritareve” për shkak të shtëpive të stilit otoman për të cilat Berati është i njohur. Qyteti është në listën e UNESCO-s dhe mban mbi shpinë 2 000 vjet histori për t’u eksploruar.
Nga maja e kalasë mund të shohësh pamje të mahnitshme. Brenda mureve të kështjellës, mund të shohësh shtëpi të zakonshme si ato ku njerëzit banojnë edhe sot. Nëse jeni turistë të aventurës, mund të qëndroni në një bujtinë të shkëlqyer. Ka gjithashtu katër kantina vere (Çobo-Nurellari-Malinati-Luani) ku mund të shijoni verën lokale.
HIMARA
- Advertisement -
Himara është një qytet më pak i gjallë, që gjendet pak orë larg me makinë nga Saranda. Është një portë hyrëse shumë më pak aktive se Saranda. Pamja është jashtëzakonisht e bukur dhe është vendi i duhur nëse do të qetësohesh buzë detit për pak ditë.
Bëni një udhëtim në pjesën e vjetër të Himarës, që ndodhet në kodra, pas kështjellës. Atje mund të shohësh pamje të jashtëzakonshme të Rivierës si dhe një fshat tradicional. Është shumë i bukur.
SHKODRA
Ndodhet në veri të Shqipërisë. Ky qytet është origjinal dhe një prag i shkëlqyer për disa ngjitje fantastike në zonë. Mund ta dalloni që Shkodra është qyteti i biçikletave. Është edhe një vend jashtëzakonisht i lirë. Arkitektura është e ndryshme nga qytetet e tjera të Shqipërisë. Mund ta ndjeni veten pas në kohë si në një film të vjetër. Kjo është magjia e Shkodrës.
Fakt interesant! Shqipëria e jugut flet në një dialekt të ndryshëm nga shqiptarët në veri si në Shkodër dhe Kosovë.
GJIROKASTRA
Shumë njerëz shkojnë në Berat dhe Gjirokastër sepse mendojnë që janë qytete në listën e UNESCO-s. Rrugë me kalldrëm dhe një kështjellë e vendosur në majë, Gjirokastra ia vlen të ndalosh.
Sigurohuni që të keni kohë edhe për kështjellën ku mund të shohësh dhe të ngjitesh po të kesh dëshirë, në cisternën e ujit të ushtrisë dhe ku sheh pamje mahnitëse. Aty ka shumë për të parë, përfshi tunelet nëntokësorë, një muze armësh (ku mund t’i marrësh armët edhe në dorë!) si dhe dhoma të braktisura të kështjellës. Kalojeni pasditen duke u endur nëpër rrugë ndërsa njerëzit të shikojnë nga kafenetë. Gjirokastra ka shumë reputacion!
- Advertisement -
TIRANA
Tirana është një nga qytetet më të këndshëm në Europë. Ajo ka një cilësi: ka shumë gjëra për të parë dhe çfarë është më e rëndësishmja për një turist, pijet alkoolike nuk janë të shtrenjta. Në verë, kur shumë njerëz shkojnë në plazhet e Sarandës dhe Durrësit, qyteti nuk është shumë i populluar, por në dimër qyteti gjallërohet sërish.
Ka shumë vende në Tiranë për të festuar. Mos harroni të vizitoni kafe-bar ”Komiteti”. Mund të provoni të gjitha llojet e rakisë atje, në lokalin që duket si një muzeum! Është një vend i shkëlqyer për të kaluar kohën.
Ju mund të shikoni edhe shtëpinë e ish-liderit komunist, Enver Hoxha. Rekomandoj veçanërisht të shkoni në ”Shtëpinë e gjetheve” për të zbuluar më shumë për Shqipërinë në kohën e komunizmit.
SARANDA
- Advertisement -
Gjatë muajve të verës është një qytet që popullohet shumë për shkak të plazheve duke u shndërruar në një nga vendet më të rekomanduara për t’u vizituar. Saranda është një përzierje plazhesh, restorantesh dhe vendesh të mira ku mund të bësh edhe jetën e natës. Në verë, një numër i madh shqiptarëshpunojnë dhe jetojnë gjatë sezonit turistik, kështu që jeta e natës premton shumë.
Në dimër Saranda është një qytet i fjetur, por sërish të ofron një mot të jashtëzakonshëm. Në fakt, Saranda ka 300 ditë me diell në vit.
KSAMILI
Vetëm 20 minuta me autobus nga Saranda është parajsa e mrekullueshme e Ksamilit. Këshilla e vetme është ta vizitoni çdo muaj, përveç korrikut dhe gushtit, pasi gjatë këtyre dy muajve ju nuk mund të gjeni vend. Ksamili është më i këndshëm për t’u vizituar në fund të verës, kur turistët kanë ikur dhe kur mund të gjeni shezlongë bosh.
Rërë e bardhë, det kristal, çfarë kërkoni më shumë? Ka edhe disa ishuj, mund të merrni me qera ”jet ski” apo varka për të kaluar një ditë nën diellin shqiptar!
- Advertisement -
Gjiri i Gramës në Dhërmi
Gjiri i Gramës ka shërbyer si një vend strehimi për anijet që gjendeshin në vështirësi përgjatë këtij bregdeti të rrezikshëm në vështirësitë e motit. Ky gji ka shërbyer fillimisht si zonë e shfrytëzimit të gurit lokal, në gurore të medha, gjurmët e të cilave duken edhe sot në të dy shpatet. Emri i Gramës është i lidhur në mënyrë të qartë me mbishkrimet e gdhendura që në antikitet.
VLORA
Vlora eshte nje nder vendet e vetme jo vetem ne Shqiperi, por ne gjithe Ballkanin qe ka nje kombinim fantastik midis historise, bukurive natyrore dhe pozicionit gjeografik. Nese do e perkufizonim Vloren me nje fjali, atehere ajo do te ishte: “Gjithcka ne nje vend te vetem, per cdo grupmoshe dhe per cdo lloj turizmi! Kalaja e Kanines.
Historia e kesaj kalaje qe ne periudhen antike, si nje njesi e fortifikuar e fisit Amantia. Duke u pozicionuar ne koder, nga kjo kala kontrollohej I gjithe gjiri I Vlores. Rendesi strategjike ka patur kryesisht gjate periudhes mesjetare gjate sundimit te Perandorise Osmane, themeluesi I dinastise se familjes Vlora u vendos ne kete territor.
Është pushtuar dhe rindertuar ne periudha te ndryshme, por ajo qe vlen per tu theksuar eshte qe rrenojat e kalase jane te ruajtura mjaft mire edhe ne ditet e sotme dhe udhetimi ne kalane e Kanines, ju rikthen ne nje periudhen e meparshme.
KORÇA
Kur të vini në Shqipëri ju do të provoni patjetër birrën lokale ”Korça”. Por ju mund të vizitoni edhe qytetin ku prodhohet birra ”Korça”. Gjëja më e mirë që do të gjeni është birra me çmim të lirë. Kjo nënkupton se ju do të paguani pak para për një shishe birrë! Korça ndodhet në një luginë, kështu që qyteti është i rrethuar nga malet. Nga Korça ju mund të ngjiteni edhe në male.
Ky është itinerari i qyteteve më të mira ndërkohë që jeni në Shqipëri. Ka edhe shumë vende të tjera për t’u vizituar atje. Çdo qytet dhe fshat është unik. Këshillohet të merrni një makinë me qera dhe të udhëtoni në të gjithë vendin. Kjo është mënyra për të parë akoma më shumë
10 vendet në Shqipëri që duhet vizituar:
Përgatiti:
