Adea Berisha është rritur me dëshirën e madhe për boksin. Meqë këtë dëshirë e zhvilloi si fëmijë në një familje sportistësh ku babai ishte vetë boksier, Adea u rrit me ketë pasion. Kjo bëri që ajo të bëhej boksiere seniore e kategorisë deri në 48 kilogramë. Por, sfida ishte se Adea nuk kishte me kë të garoj andaj arena e luftës në boks mbeti e paprovuar për të. Por, aty tash ngjitet për të ndarë drejtësinë mes garuesve.
Ajo ka arritur të bëhet gjyqtarja e parë e licencuar në boksin profesionist në rajon dhe në historinë e boksit kosovar. Adea në mesin e katër fëmijëve ishte e vetmja që zgjodhi rrugën e babait – atë të një sporti tejet luftarak siç është boksi.
“Babai im ishte boksier, dhe hapat e tij i kam percjell unë. Duke e parë babain ne sallë si trajner dhe pastaj si refer, dëshira ime çdo herë e më shumë rritej që ta mësojë edhe unë sportin e boksit”, ka thënë ajo për AkademiPune. Fillimisht ishte trajnuar nga babai i saj e më pas në Klubin e Boksit “Fighter Pejë” me trajner Bekim Muqen, i cili thotë se ka punuar me shumë përkushtim me të.
Mundesh me e lexu edhe…
Duke qenë boksere fillimisht dhe duke qenë se edhe babai i saj është gjyqtar boksi atëherë ajo e kishte më të lehtë të hyj në botën e referimit. Kjo ka bërë që Adea të ketë më pak sfida e më shumë përkrahje në rrugën e saj.
- Advertisement -
“Unë si Adea nuk kam hasur në sfida në ushtrimin e veprimtarisë si gjyqtare pasi që përherë e kam pasur përkrahjen e prindërve dhe padyshim përkrahjen nga Federata e Boksit Profesionist të Kosovës me Kryetarin Nexhmedin Zeka, qe ma kanë besuar këtë pozitë”, ka thënë tutje Adea
Adea: Në këtë sport një gjyqtare të mire e bën disiplina
- Advertisement -
Adea kur ngjitet për të ndarë drejtësi mundohet të jetë sa më e përkushtuar dhe vëmendshme. Përgjegjësia e saj është akoma më e madhe në një duel i cili mund të sjell shumë të paparitura. Objektiviteti më pas është synimi i saj kryesor.
“Një gjyqtare boksi çdo herë duhet të ketë parasysh se ka në përgjegjësi dy persona, dy sportistë, dy boksierë qe duhet të kujdeset për ndonjë lëndim jo të dëshirueshëm dhe sigurisht duhet të kenë parasysh që çdo herë duhen të jenë të drejt dhe jo të njëanshëm, të punojnë shumë për të qenë referë të cilësisë se kërkuar”, ka thënë tutje ajo.
Adea me profesion është juriste. Ajo ka përfunduar studimet në Universitetin “Haxhi Zeka” në Pejë ne Fakultetin Juridik. Tani ajo ushtron profesionin e juristes në kompaninë “Cacttus”.
Adea thotë se nuk ka hasur në sfida në profesionin në të cilin është e vetmja vajzë që e ushtron. Thotë se është e vetëdijshme që paragjykimet ekzistojnë por që ajo vetë nuk është përballur me to.
Kur ka qenë garuese në boks thotë se nuk kishte konkurrente në kategorinë e saj gjë që e bëri të mos e zhvillojë asnjë luftë. Në cilësinë e gjyqtares dëshira për në ring i është shtuar dhe më shumë.
“Ne këtë sport një gjyqtare të mirë e bën disiplina, vëmendja, njohja e mirë e boksit dhe rregullave të referimit, si dhe përditësimi i njohurive përkitazi ndryshimeve që bëhen në rregullat e boksit dhe të referimit”, ka thënë tutje Adea.
- Advertisement -
35 ndeshje te poentuara dhe të gjykuara nga Adea
Për të kujtimet më të mira janë udhëtimet brenda dhe jashtë shtetit dhe gjithashtu njohja me persona elitar të kësaj fushe që i mundëson të ndajnë përvojat e ndryshme. Deri tash, në protofolion e saj sy gjyqtare profesioniste e boksit ka 35 ndeshje te poentuara dhe të gjykuara.
Për të guxuar për të qenë të parat në një fushë dhe për të gjitha vajzat, Adea ka një mesazh: mosdorëzimin.
“Për të gjitha vajzat që ëndërrojnë profesion të tille apo çfarëdo profesioni tjetër, ju them qe kurrë mos të dorëzohen dhe të luftojnë për qëllimet e tyre, dhe i inkurajojë të gjitha vajzat që të angazhohen jo vetëm në sportin e boksit, por në cilindo aktivitet fizik”, ka thënë Adea./Katror.info
- Advertisement -
Përgatiti:
