Heman Bekele, një adoleshent nga Annandale, Virginia, është shpallur Fëmija i Vitit 2024 nga revista “Time” dhe “Time for Kids”. Bekele, një shkencëtar 15-vjeçar, ka krijuar një sapun që mund të revolucionarizojë trajtimin e kancerit të lëkurës, një arritje që i ka sjellë këtij të riu një njohje të veçantë.
“Time” njoftoi shpalljen e Bekele si “Fëmija i Vitit” dhe e përshkroi atë si një individ me potencial për të ndryshuar mënyrën si trajtohet kanceri i lëkurës.
Është krejtësisht e pabesueshme të mendoj se një ditë sapuni im mund të bëjë një ndikim të drejtpërdrejtë në jetën e dikujt tjetër, ka thënë Bekele në një intervistë për Time.
Mundesh me e lexu edhe…
“Kjo është arsyeja pse e fillova këtë projekt.”
Bekele u zgjodh për këtë nderim për shkak të krijimit të tij inovativ, i cili mund të ofrojë një mënyrë më të aksesueshme për të administruar medikamente për trajtimin e kancerit të lëkurës, përfshirë melanomën. Ky sapun përmban përbërës të cilët mund të ndihmojnë në trajtimin e këtyre llojeve të kancerit në një formë që është më e lehtë për t’u përdorur dhe më e përshtatshme për pacientët.
Në vitin 2023, Bekele kishte marrë tashmë vëmendje të konsiderueshme kur “3M” dhe “Discovery Education” e shpallën atë si Shkencëtarin më të Ri të Amerikës, në moshën 14 vjeçare. Ai ishte shpallur fitues në një garë ku ka konkurruar kundër nëntë finalistëve të tjerë dhe ka fituar një çmim prej 25,000 dollarësh.
Krijimi i sapunit të Bekele është një hap përpara në fushën e mjekësisë, duke ofruar një alternativë të re për trajtimin e kancerit të lëkurës që mund të bëjë trajtimin më të lehtë dhe më të arritshëm për pacientët në të gjithë botën. Me këtë zbulim të jashtëzakonshëm, Bekele po shemb barrierat dhe ndihmon në përmirësimin e jetës së shumë njerëzve. /Katror.info
Përgatiti:
