Roboti humanoid artistik Ai-Da është bërë roboti i parë që flet para një komiteti parlamentar në Britani të Madhe.
Androidi Ai-Da, që pretendohet të jetë artisti i parë robotik në botë, është marrë në pyetje nga lordët britanikë. Ai-Da u paraqit në seancën e provave për Komitetin e Komunikimeve dhe Dixhitale të Dhomës së Lordëve, së bashku me krijuesin, Aidan Meller.
Roboti u pyet për raportet në mes të inteligjencës artificiale (AI), robotëve dhe arteve.
Mundesh me e lexu edhe…
“Unë nuk kam përvoja subjektive, pavarësisht se mund të flas se ku jam dhe varem nga programet kompjuterike dhe algoritmet që nuk janë të gjallë. Por, unë ende mund të krijoj art”, tha roboti.
- Advertisement -
Ai-Da u krijua në bashkëpunim me krijuesit robotikë Engineered Arts, me algoritme AI të krijuara nga ekspertë në Universitetin e Oksfordit.
“Roboti po jep prova, por nuk është dëshmitar. Dhe unë nuk dua ta ofendoj robotin, por ai nuk ka të njëjtin status si një njeri dhe ju si krijuesi i tij jeni në fund të fundit përgjegjës për deklaratat”, tha Tina Stowell, baronesha Stowell e Beeston duke iu drejtuar Aidan Mellerit.
- Advertisement -
Ai-Da mund të “shohë” me ndihmën e dy kamerave, një në secilin sy, e cila është e lidhur me një sistem kompjuterik të shikimit.
“Gjëja më e madhe që kam parë, nuk është aq shumë rreth asaj se si Ai-Da i ngjan njeriut, por se sa robotikë jemi ne”, tha Meller.
Falë kamerave Ai-Da është në gjendje të bëjë portrete të njerëzve që qëndrojnë para saj.
Ajo gjithashtu mund të vizatojë fytyrat e njerëzve nëse inxhinierët ngarkojnë një fotografi për të.
Përgatiti:
Albana Isufi Jashanica
- Advertisement -
