Klubi i futbollit të femrave, Zurich ka njoftuar se Alketa Rama ka nënshkruar kontratë profesionale me klubin.
Rama, 20-vjeçare ka nënshkruar kontratën, që e mbanë në klub deri në vitin 2027.
Sulmuesja Rama i ishte bashkuar Zurichut në vitin 2016, si 13-vjeçare, derisa që atëherë ka kaluar në çdo grupmoshë të klubit, deri te ekipi i parë.
Mundesh me e lexu edhe…
Para disa ditësh, Rama debutoi me ekipin e parë, madje duke shënuar një gol në fitoren prej 5-1 ndaj Thun.
Ajo është vajza e legjendës së futbollit zviceran, Milaim Rama, dhe ka zgjedhur të përfaqësojë Kombëtaren e Kosovës nga viti 2021, fillimisht me ekipin U-19 e më pas edhe me Kombëtaren A.
„Prej babit kam mësuar shumë dhe më duket që i kam disa tipare sulmuese të tij për të shënuar gol. Unë vazhdimisht kërkoj portën dhe dua të shënoj gol, këtë sigurisht e kam trashëgim prej babit“, thotë Alketa në një intervistë për albinfo.ch, duke shtuar: “Jam shumë krenare me babin tim, jam shumë krenare që jam bija e tij. Kam mësuar shumë prej tij dhe ende mësoj e marrë këshilla pas çdo loje. Nganjëherë dalim dhe bëjmë stërvitje individuale dhe ai mi tregon ato detajet e vogla ku unë duhet të përmirësohem“. /Katror.info
